14 تامىز 2019, 09:42 648 0 ايماق Túrkistan Gazeti

الماتىداعى سەل قاۋپى: قالاداعى ەۆاكۋاتسيالاۋ پۋنكتتەرى بەلگىلەندى

الماتىدا سەل ءجۇرۋ قاۋپىنە بايلانىستى ناۋرىزباي اۋدانىندا ەۆاكۋاتسيالاۋ پۋنكتتەرى بەلگىلەندى، دەپ حابارلايدى قازاقپارات حاا.

«ەۆاكۋاتسيالاۋ پۋنكتتەرى:

1. ەسكى اكىمشىلىك (جاندوسوۆ-رىسقۇلوۆ).

2. شاحمەردەنوۆ اتىنداعى 175 مەكتەپ.

3. 158 مەكتەپ. (جاندوسوۆ – ياساۋي قيىلىسى)»، - دەلىنگەن الماتى اكىمدىگى تاراتقان حابارلامادا.

تجد سوڭعى ۋاقىتتاردا مۇزدىق كولدەرى سۋىنىڭ اعىزىلۋى تۋرالى اقپارات بەردى. سەل قاۋپى تۋىنداعان كولدىڭ سۋى 77 مىڭ تەكشە مەتردەن 26 مىڭ تەكشە مەترگە دەيىن ازايتىلدى. «2015 جىلى بۇل پلوتينادان 30 مىڭ تەكشە مەتر سۋ وتكەن. بوگەتتىڭ جوبالىق قۋاتى 1,2 ملن تەكشە مەتر. بۇل جەرگە 600 مىڭ تەكشە مەتر سۋ جەتەدى. اپاتتىق جاعدايدا سەكۋندىنا 10 تەكشە مەتر سۋ جىبەرىلەدى. وزەننىڭ ارناسى 20 مىڭ تەكشە مەترگە ەسەپتەلىپ، بەتوندالعان»، - دەدى تجد وكىلدەرى. بۇگىن الماتىدا ناۋرىزباي اۋدانىندا از مولشەردە سەل ءجۇردى. ەسكە سالا كەتسەك، تاڭەرتەڭ توتەنشەلىكتەر قارعالى وزەنى بويىندا سەل ءجۇرۋ قاۋپى تونگەنىن حابارلاپ، دابىل كوتەرگەن بولاتىن.

تەگتەر الماتى سەل

سوڭعى جاڭالىقتار