13 تامىز, 18:35 211 0 ايماق Túrkistan Gazeti

قوستانايلىق پوليتسەيلەر لاتىن قارپىن ۇيرەنىپ جاتىر

قوستاناي وبلىسى پوليتسيا دەپارتامەنتىنىڭ قىزمەتكەرلەرى اپتا سايىن تىلدەردى وقىتۋ ورتالىعىندا ءبىلىم الادى. الداعى بىرەر كۇندە 26 پوليتسەي ەمتيحاندى ءساتتى تاپسىرعان سوڭ لاتىن گرافيكاسى كۋرسىن اياقتاعانى تۋرالى سەرتيفيكاتقا يە بولادى. تامىز ايىنىڭ سوڭىنا دەيىن تاعى 22 قىزمەتكەر لاتىن قارپىن مەڭگەرەدى. بۇل تۋرالى پد ءباسپاسوز قىزمەتى حابارلادى.

ولاردىڭ اراسىندا وبلىستىق پوليتسيا دەپارتامەنتى مەديتسينالىق ءبولىمىنىڭ باسشىسى قايرات نۇرتازەنوۆ ەرەكشە اتاپ وتۋگە بولادى.

ونىڭ ايتۋىنشا، مۇندا العان بىلىمدەرىن ول ءوز جۇمىسىندا قولدانا الادى جانە وسىنداي كۋرستاردان وتۋگە وزگە دە ارىپتەستەرىنە كەڭەس بەرەدى. مەديتسينالىق ءبولىم باسشىسىمەن بىرگە بۇل ساباققا 6 قىزمەتكەر قاتىسادى.

- كۋرستارعا مەملەكەتتىك ءتىلدى مەڭگەرگەن، سونداي-اق، وقۋدى باستاعان0 جانە ورتاشا تىلدىك دەڭگەيى بار ادامدار دا قاتىسادى، - دەيدى وبلىستىق پد ىشكى جانە سىرتقى كوممۋنيكاتسيالار ءبولىمىنىڭ قىزمەتكەرى اسەمان تۇگەلباەۆا.

پوليتسيا قىزمەتكەرلەرى اراسىندا وقۋ ءۇردىسىن ۇيىمداستىرىپ قانا قويماي، سونىمەن قاتار، كۋرستاردى بىتىرگەنى تۋرالى سەرتيفيكات العاندار دا بار.

- وسى جۇمىسقا جاۋاپ بەرەتىن قىزمەتكەر رەتىندە، ءبىرىنشى كەزەكتە، مەن لاتىن گرافيگىن ءوزىم جەتىك مەڭگەردىم. الداعى ۋاقىتتا دەپارتامەنتتىڭ ءاربىر قىزمەتكەرى مىندەتتى تۇردە لاتىن قارپىن وقيتىن بولادى، - دەدى ءا. تۇگەلباەۆا.

سوڭعى جاڭالىقتار