13 تامىز, 18:13 356 0 ەكونوميكا Túrkistan Gazeti

ۇلتتىق ەكونوميكا ءمينيسترى قاي وبلىستار ارتتا كەلە جاتقانىن ايتتى

بۇگىن ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ وڭىرلەردىڭ 2019 جىلدىڭ قاڭتار-شىلدەدەگى الەۋمەتتىك-ەكونوميكالىق كورسەتكىشتەرىن ايتتى. بۇل تۋرالى BAQ.KZ اقپاراتتىق اگەنتتىگى حابارلايدى.

"ونەركاسىپ بويىنشا 3 وبلىس ارتتا قالىپ كەلە جاتقان وڭىرلەردىڭ قاتارىندا. اتاپ ايتساق، قىزىلوردا (-9,6%), باتىس قازاقستان (-3,8%) جانە ماڭعىستاۋ (-1,4%) وبلىستارى. بۇل وڭىرلەردە مۇناي جانە گازكوندەنساتىن ءوندىرۋ قىسقارعان. اۋىل شارۋاشىلىعى بويىنشا بارلىق وڭىرلەردە ءوسۋ قامتاماسىز ەتىلگەن. ايتارلىقتاي ۇلعايۋدى اقمولا وبلىسى (11,1%) كورسەتىپ وتىر. قۇرىلىس بويىنشا تەرىس سەرپىن شىمكەنت قالاسىندا(-34,4%), ماڭعىستاۋ وبلىسىندا (-30,4%) جانە نۇر-سۇلتان قالاسىندا (-12,5%) ساقتالۋدا", - دەيدى دالەنوۆ.

ونىڭ ايتۋىنشا، بىرقاتار ءوڭىر بىرنەشە كورسەتكىش بويىنشا جاقسى سەرپىن كورسەتۋدە. بۇل ونەركاسىپ، وڭدەۋ، كەن ءوندىرۋ، اۋىل شارۋاشىلىعى، قۇرىلىس، تۇرعىن ۇيلەردى پايدالانۋعا بەرۋ جانە ينۆەستيتسيالار سالالارى بويىنشا.

"قوستاناي وبلىسىندا 6 كورسەتكىش، تۇركىستان جانە شىعىس قازاقستان وبلىستارىندا – 5 كورسەتكىش، اتىراۋ، قاراعاندى، قىزىلوردا جانە باتىس قازاقستان وبلىستارىندا – 3 كورسەتكىش جوعارى ءوسۋدى كورسەتۋدە. ماڭعىستاۋ وبلىسى، نۇر-سۇلتان جانە شىمكەنت قالالارى بويىنشا بىرنەشە كورسەتكىش بويىنشا تومەندەۋ بايقالادى", - دەيدى مينيستر.

بۇعان دەيىن ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ بيىلعى جىلدىڭ 7 ايىندا جالپى ىشكى ءونىمنىڭ ءوسۋى 4,2%-عا دەيىن جەدەلدەگەنىن ايتقان بولاتىن.

تەگتەر ەكونوميكا

سوڭعى جاڭالىقتار