12 تامىز, 16:56 452 0 ونەر ارمان قۇدايبەرگەن

نۇرتورە ءجۇسىپ سەنات دەپۋتاتى بولىپ تاعايىندالدى

مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتى سەناتىنىڭ دەپۋتاتتارى بولىپ نۇرتورە بايتىلەسۇلى ءجۇسىپ پەن اسقار ورازالىۇلى شاكىروۆ تاعايىندالدى.

1961 جىلى 29 ساۋىردە قىزىلوردا وبلىسى شيەلى اۋدانى كەردەلى اۋىلدىق كەڭشارىندا تۋعان. نۇرتورە بايتىلەسۇلى (1984) جىلى س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.

ەڭبەك جولىنىڭ العاشقى باسپالداعى پاۆلودار وبلىستىق قازىرگى سارى ارقا سامالى بۇرىنعى قىزىل تۋ گازەتىنىڭ اگرووندىرىستىك ءبولىمىنىڭ ءتىلشى بولىپ باستاعان.

وسى گازەتتە كولىك جانە كوممۋنيكاتسيا ءبولىمىنىڭ مەڭگەرۋشىسى، باس رەداكتوردىڭ ورىنباسارى قىزمەتىن اتقاردى. (1990-1996) جىلدار ارالىعىندا رەسپۋبليكالىق ەگەمەن قازاقستان گازەتىنىڭ ەكونوميكا ءبولىمىنىڭ مەڭگەرۋشىسى، باس رەداكتوردىڭ ەكونوميكالىق ماسەلەلەر جونىندەگى ورىنباسارى بولدى.

(1996) جىلدىڭ مامىر ايىنان باستاپ (2002) جىلدىڭ ءساۋىر ايىنا دەيىن رەسپۋبليكالىق جاس الاش گازەتىنىڭ باس رەداكتورى قىزمەتىن اتقاردى.

نۇرتورە ءجۇسىپ باسشىلىق ەتكەن وسى كەزەڭ ىشىندە گازەت التىن جۇلدىز – 2000 سىيلىعىنا يە بولدى. نۇرتورە ءجۇسىپ «اق جول قازاقستان»، «استانا حابارى» گازەتتەرىنىڭ باس رەداكتورى، «ەگەمەن قازاقستان» رەسپۋبليكالىق گازەتىنىڭ باس ديرەكتورى بولدى.

(2008) جىلدان بەرى رەسپۋبليكالىق ايقىن گازەتىنىڭ ديرەكتورى-باس رەداكتور.

نۇرتورە ءجۇسىپ قازاقستاننىڭ ەڭبەك سىڭىرگەن قايراتكەرى، قازاقستان حالقى اسسامبلەياسى كەڭەسىنىڭ، جازۋشىلار وداعىنىڭ، جۋرناليستەر وداعىنىڭ مۇشەسى، پرەزيدەنت سىيلىعىنىڭ جانە قازاقستان جۋرناليستەر وداعىنىڭ، ب. بۇلقىشەۆ، س. سادۋاقاسوۆ اتىنداعى سىيلىقتاردىڭ يەگەرى.

قر جۋرناليستەر اكادەمياسىنىڭ جانە گۋمانيتارلىق اكادەميانىڭ مۇشەسى. قازاقستاننىڭ قۇرمەتتى ءجۋرناليسى، قازاق جۋرناليستيكاسىنىڭ قايراتكەرى اتاقتارى بار.

(حالىقارالىق پەن-كلۋبتىڭ ۆيتسە-پرەزيدەنتى), (قازاقستان مەديا-اليانس ۇيىمى) توراعاسىنىڭ ءبىرىنشى ورىنباسارى.

قازاقستان پرەزيدەنتى جانىنداعى رۋحاني جاڭعىرۋ جونىندەگى ۇلتتىق كوميسسيانىڭ جانە مەملەكەتتىك رامىزدەر جونىندەگى مەملەكەتتىك كوميسسيانىڭ، قازاقستان ۇكىمەتى جانىنداعى وناماستيكا جونىندەگى رەسپۋبليكالىق كوميسسيانىڭ، "نۇر وتان"پارتياسى الماتى قالالىق فيليالى قوعامدىق كەڭەسىنىڭ مۇشەسى.

قۇرمەت وردەنىمەن (2009); «قازاقستان رەسپۋبليكاسىنىڭ تاۋەلسىزدىگىنە 10 جىل» (2001), «قازاقستان كونستيتۋتسياسىنا 10 جىل» (2000) مەدالدارىمەن، «ءتىل جاناشىرى» توسبەلگىسىمەن ماراپاتتالعان.

(2014) جىلى «حالىقتىڭ سۇيىكتىسى» اتتى رەسپۋبليكالىق كونكۋرستىڭ «ەڭ وتكىر پۋبليتسيست» نوميناتسياسىنىڭ جەڭىمپازى. قىزىلوردا وبلىسى، شيەلى اۋدانىنىڭ قۇرمەتتى ازاماتى. «ءبىز كىمنەن كەمبىز؟» (2001), «قازاقتىڭ قىزى» (2004), «ەلەس پەن بەلەس» (2006), «تاۋەلسىزدىك لەبى: ەل مەن جەر»، «مىڭ قۇمىرسقا جانە ءبىز» اتتى پۋبليتسيستيكالىق جيناقتىڭ اۆتورى.

سوڭعى جاڭالىقتار