8 تامىز, 14:37 454 0 قوعام Turkystan Support

ارىستاعى اپاتقا كىنالىلەر جازالاندى

پرەزيدەنت قاسىم-جومارت توقاەۆ ارىستاعى جارىلىستىڭ ورىن الۋىنا بايلانىستى قازاقستاننىڭ قورعانىس مينيسترلىگىنىڭ بۇرىنعى باسشىلىعىنا سوگىس جاريالادى.

مەملەكەت باسشىسىنىڭ ارىستاعى جارى­لىس­قا وراي كىنالىلەردى جازالاۋعا ارنالعان وكىمىمەن «قارۋ-جاراق پەن وق-دارىلەردى كو­شىرۋ كەزىندە قاۋىپسىزدىك شارالارىنىڭ ساق­تا­لۋىن  قاتاڭ باقىلاي الماعاندىعى ءۇشىن، سو­نىڭ سالدارىنان ارىس قالاسىندا ورنا­لاس­قان اسكەري بولىمشەدەگى قارۋ-جاراقتىڭ جارى­لۋىنا جانە قالادا ادام شىعىنىنىڭ ورىن الۋىنا، تۇرعىن ۇيلەر مەن ءتۇرلى عيمارات­تار­دىڭ قيراۋىنا جول بەرگەنى ءۇشىن» بۇرىن قازاق­ستان رەسپۋبليكاسى قورعانىس ءمينيسترى بولىپ قىزمەت اتقارعان ساكەن ءادىلحانۇلى جاسۇزاقوۆ قازاقستان رەسپۋبليكاسىنىڭ قارۋلى كۇشتەرى قاتارىنان  شىعارىلدى.

سونداي-اق، قازاقستان رەسپۋبليكاسى قور­عا­نىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى مۇرات كارىبايۇلى بەك­تانوۆقا، قازاقستان رەسپۋبليكاسى قورعانىس مي­نيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى بولىپ قىزمەت اتقارعان مۇرات جالەلۇلى مايكەەۆكە، قازاقستان رەسپۋبليكاسى قورعانىس ءمينيسترىنىڭ ورىنباسارى بولىپ قىزمەت اتقارعان تالعات جەڭىسۇلى جان­جۇ­مەنوۆكە قاتاڭ سوگىس جاريالاندى.

P.S.

وتكەن ايدىڭ ورتاسىندا ۇكىمەتتىڭ كەڭەيتىلگەن وتىرىسىندا ارىس وقيعاسى ارنايى ءسوز بولىپ، مەملەكەت باسشىسى قاسىم-جومارت توقاەۆ ارىستاعى جوي­قىن جارىلىسقا جول بەرگەنى ءۇشىن نۇر­لان ەرمەكباەۆقا قاتاڭ سوگىس جاريا­لاعان بولاتىن.

2019 جىلدىڭ 24 ماۋسىمىندا تۇركىس­تان وبلىسىنىڭ ارىس قالاسىنداعى اسكەري ءبولىم اۋماعىندا قازاقستان رەسپۋبليكاسى قارۋلى كۇشتەرىنە قاراستى اسكەري ارسەنالداردىڭ بىرىندە وق-دارىلەر ساقتالعان عيماراتتان ءورت شىعىپ، ىزىنشە بولعان جويقىن جارىلىس سالدارىنان كىسى ءولىمى ورىن الىپ، قالاداعى كوپتەگەن تۇرعىن ۇيلەرگە زيان كەلگەندى.

سوڭعى جاڭالىقتار