6 تامىز 2019, 16:22 611 0 قاۋىپسىزدىك دينارا مىڭجاسارقىزى

تۇرمەدە جاعداي جاسالعان

  قر ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ باسشىلارى ەلىمىز تۇرمەلەرىندە جايلى جاعداي جاساۋ ءۇشىن قانداي جۇمىستار اتقارىلىپ جاتقانىن ايتىپ بەردى.

«قازىرگى تاڭدا ءاربىر كولونيادا – وتريادتاردا شايحانا بار. بارلىق كولونيالاردا توڭازىتقىشتار، ميكروۆولنوۆكالار، شاينەك دەيسىز بە – ءبارى بارشىلىق»، - دەيدى قاجك توراعاسى دارحان قاناتبەكوۆ ءىىم-دە وتكەن ءباسپاسوز ءماسليحاتىندا. ال قاجك توراعاسىنىڭ ءبىرىنشى ورىنباسارى تەڭىزجان جانىبەكوۆ بولسا، الماتى وبلىسىنداعى تۇرمەدە تىركەلگەن ازاپتاۋ وقيعاسىنا قاراپ، بارلىق تۇزەۋ مەكەمەلەرىندە سولاي بولىپ جاتىر دەپ ويلاماۋ كەرەكتىگىن ايتادى. «جالپى، ونداي جاعدايلاردى بولدىرماۋ ءۇشىن جاقىندا مينيستر ءوزىنىڭ ورىنباسارلارىن ينسپەكتسيالاۋعا جىبەردى. قازىر ءبىز جان-جاقتى ءىس-شارالاردى جۇرگىزەمىز. ازاپتاۋ وقيعالارى بولسا، سول مەزەتتە شارا قابىلدايمىز. قازىرگى تاڭدا زاڭعا وزگەرىس ەنگىزۋ باعىتىندا كوپتەگەن ۇسىنىستار ءتۇسىپ جاتىر. ءبىز بۇكىل قازاقستانداعى تۇرمە سالاسىنداعى ەڭ بىلىكتى مامانداردى جانە ۇەۇ مۇشەلەرىن، حالىقارالىق ۇيىمداردىڭ مۇشەلەرىن شاقىرتىپ، ۇسىنىستارىن سۇرادىق. سەبەبى، ءوزىمىزدىڭ جاساپ جاتقان قىزمەتىمىزدە كەم-كەتىك بار شىعار. سونىڭ بارلىعىن ازاماتتىق قوعاممەن جيناقتاپ، 200-گە جۋىق ۇسىنىس الدىق. جۇمىس توبى قۇرىلدى. مىناداي جايتتاردى بولدىرماۋ ءۇشىن جان-جاقتى ءىس-شارالاردى قولدانامىز»، - دەدى تەڭىزجان جانىبەكوۆ. ەسكە سالا كەتسەك، بۇعان دەيىن قر ءىىم قاجك توراعاسى دارحان قاناتبەكوۆ قازاقستاندا تۇرمەدەگى ادامداردىڭ سانى 100 مىڭنان 29 مىڭعا ازايعانىن ءمالىم ەتكەن بولاتىن.

سوڭعى جاڭالىقتار