3 تامىز, 11:04 461 0 الەۋمەت "تۇركىستان" گازەتىنىڭ اۆتورلارى

«قۇرمەتتى ازامات» اتاعىن بەرۋدى دوعارساق قايتەدى؟

كارىباي مۇسىرمان، ءماجىلىس دەپۋتاتى:

– «قۇرمەتتى ازامات» اتاعىنىڭ قۇنى ءتۇسىپ كەتتى. «جەر ساتۋشى» اتانعان اكىم دە، پاراقورلىعىنىڭ ءيسى مۇڭكىپ تۇرعانى ءۇشىن قىزمەتىنەن تۇسىرىلگەن سۋديا دا، ءتىپتى ءوڭىر باسشىسىنا «وڭدى» باتا بەرگەن دارىنسىز جۋرناليست تە، وبلىس اكىمىنە كانديداتتىق ديسسەرتاتسيا جازىپ بەرگەن عالىم دا «قۇرمەتتى ازامات» اتانعانىن جۇرت كۇلكى ەتىپ ايتىپ ءجۇر. «ءبىر قىزىمنان ءبىر قىزىم سوراقى» دەگەندەي، جۋىردا بۇرىن سىبايلاس جەمقورلىق قىلمىسى ءۇشىن سوتتالىپ، تۇرمەدە بىرنەشە جىل وتىرىپ شىققان شەنەۋنىككە دە ءبىر اۋداننىڭ «قۇرمەتتى ازاماتى» اتاعى بەرىلىپتى دەپ ەستىدىم...

سوندىقتان وسى، قۇنى قالماعان اتاقتى بەرۋدى توقتاتىپ، ونىڭ ورنىنا بالەنباي اۋداننىڭ جانە بالەنباي وبلىستىڭ «قۇرمەتتى مەتسەناتى» نەمەسە «اتىمتاي جومارتى» دەگەن جاڭا اتاق ەنگىزسەك قالاي بولادى؟ مۇنداي اتاقتى تۋعان اۋىلدارىنا ميلليونداعان تەڭگەنىڭ الەۋمەتتىك-مادەني عيماراتتارىن سالىپ بەرگەن كاسىپكەر ازاماتتارعا جانە باسقا دا بايلارعا بەرسەك... بالكىم، سوندا جەرگىلىكتى باسشىلارعا اركىمدى سالىپ، اتاق سۇراۋشىلىق مۇلدەم تىيىلار. ال جاڭا اتاقتىڭ ءجونى بولەك قوي. داڭعوي اعايىندارعا اتاق كەرەك بولسا، اتامەكەندەرىنە قول ۇشىن بەرسىن.

فەيسبۋكتەگى جەكە پاراقشاسىنان

سوڭعى جاڭالىقتار