29 شىلدە 2019, 10:19 701 0 كولىك Túrkistan Gazeti

شەنەۋنىكتەر تەك وتاندىق كولىك مىنەدى

ۇكىمەت باسشىسى مەملەكەتتىك ساتىپ الۋلارعا يمپورتتىق اۆتوكولىكتەرگە 2 جىل مەرزىمگە تىيىم سالۋ تۋرالى قاۋلىعا قول قويدى. بۇل تۋرالى  «قازاۆتووندىرىس» اۆتوموبيل سالاسى كاسىپورىندارىنىڭ وداعى حابارلادى.

وداقتىڭ مالىمەتى بويىنشا، مۇنداي قادام وتاندىق نارىقتىڭ مۇددەسىن قورعاۋ ءۇشىن جاسالىپ وتىر. «قر «مەملەكەتتىك ساتىپ الۋ تۋرالى» زاڭىنىڭ 14-بابىنا سايكەس، ەلدىڭ ىشكى نارىعىن قورعاۋ جانە ۇلتتىق ەكونوميكانى دامىتۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:

1. مەملەكەتتىك ساتىپ الۋدى جۇزەگە اسىرۋ كەزىندە قازاقستان رەسپۋبليكاسىنىڭ اۋماعىندا وندىرىلمەيتىن تاۋارلاردى قوسپاعاندا، شەت مەملەكەتتەردەن شىعارىلاتىن تاۋارلاردى ۇلتتىق رەجيمنەن الىپ قويۋ بەلگىلەنسىن.

2. «CT-KZ» نىسانىنداعى تاۋاردىڭ شىعۋ تەگى تۋرالى سەرتيفيكاتى بار قازاقستان رەسپۋبليكاسىنىڭ زاڭدى تۇلعاسى وندىرگەن تاۋارلار مەملەكەتتىك ساتىپ الۋعا قاتىسۋعا جىبەرىلسىن» دەلىنگەن قاۋلى ماتىنىندە.

ۇلتتىق رەجيمنەن الىنعان تاۋارلار تىزىمىنە جەڭىل اۆتوكولىكتەر ەنىپ وتىر. «ءتيىستى قاۋلى كۇشىنە ەندى جانە ەكى جىل بويى ارەكەت ەتەدى. قۇجات «ست-كZ» نىسانىنداعى سەرتيفيكاتتىڭ مىندەتتى تالابى بويىنشا تەك وتاندىق وندىرۋشىلەردەن عانا مەملەكەتتىك ساتىپ الۋدى جانە جالعا الۋدى جۇزەگە اسىرۋدى ۇيعارادى»، - دەيدى اۆتووندىرۋشىلەر وداعىنىڭ ستراتەگيالىق جوسپارلاۋ جونىندەگى ديرەكتورى ارتۋر ميسكاريان.

قاۋلىنى قر يندۋستريا جانە ينفراقۇرىلىمدىق دامۋ مينيسترلىگى ازىرلەگەن.

«بىلتىر وتاندىق اۆتوزاۋىتتار شىعارعان ءونىمنىڭ 11 پايىزعا جۋىعىن مەملەكەتتىك قۇرىلىمدار ساتىپ العان. كونكۋرسقا قاتىسۋ ءۇشىن «ست-كZ» سەرتيفيكاتىنىڭ باستى تالاپ رەتىندە قويىلۋى مەملەكەتتىك ساتىپ الۋ ءراسىمىن نەعۇرلىم اشىق ەتەدى»، - دەيدى ارۋتر ميسكاريان.

 

سوڭعى جاڭالىقتار