23 شىلدە, 12:36 316 0 قاۋىپسىزدىك Túrkistan Gazeti

شەكاراشىلار ەسىرتكى القابىن جويدى

جۋىردا شەكاراشىلار سەمەيدە جانە قوردايدا ەكى قازاقستاندىقتى ەسىرتكى زاتتارىمەن ۇستاپ، تاراز شەكارا وتريادىنىڭ اۋماعىندا ەسىرتكى القابىن جويدى.

سەمەي شەكارا وتريادىنىڭ «اۋىل تەمىرجول» بولىمشەسىندە «بىشكەك-نوۆوكۋزنەتسك» باعىتىنداعى № 385 پويىزدى تەكسەرۋ بارىسىندا ۆاگونداردىڭ ءبىرىنىڭ جۇمىس تامبۋرىنداعى اجەتحانانىڭ جىلۋ جۇيەسىنىڭ استىنان، قىزمەتتىك ءيتتىڭ كومەگىمەن سالماعى 50 گرامم مولشەرىندە «ماريحۋانا» ەسىرتكىسى تابىلدى. يت ەسىرتكى زاتىنىڭ يەسى رەتىندە 1978 جىلعى قازاقستاندىقتى نۇسقادى. ۇستالعان ازامات سەمەي تەمىرجول بەكەتىنىڭ جەلىلىك پوليتسيا بولىمىنە تاپسىرىلدى.

قورداي تەكسەرىپ-وتكىزۋ پۋنكتىندە شەكارا ناريادى قىزمەتتىك ءيتتىڭ مەڭزەۋىمەن كورشى ەلدەن كەلە جاتقان 20 جاستاعى قازاقستاندىقتىڭ قول جۇگىنەن سالماعى 2 گرامم مولشەرىندە «ماريحۋانا» ەسىرتكىسىن تاپقان بولاتىن. بۇل «بەر جاعى» عانا ەكەن. ونىڭ جول سومكەسىن تەرەڭىرەك تەكسەرۋ بارىسىندا، شۇبەرەكتەرگە مۇقيات ورالىپ، 19 سىرىڭكە قورابىنا سالىنعان «ماريحۋانا» ەسىرتكىسى تابىلدى. ۇستالعان ازامات ەسىرتكى زاتىمەن بىرگە قورداي اۋداندىق پوليتسيا بولىمىنە تاپسىرىلدى.

تاراز شەكارا وتريادىنىڭ «اسپارا» شەكارا زاستاۆاسىنىڭ اۋماعىنان شەكاراشىلار كەشە كەشكىلىك، ساعات 20.00 شاماسىندا «ماريحۋانا» ەسىرتكىسىن الاتىن جابايى قاراسورا القابىن تاۋىپ الدى. تۇنگى ساعات 21.00 – 21.30 ارالىعىندا اسپارا اۋىلى اكىمدىگىنىڭ وكىلدەرىن قاتىسۋىمەن وتىرىپ، 2200 ءتۇپ كەندىرقۋراي وسكەن قاراسورا القابى ورتەلدى.

سوڭعى جاڭالىقتار