23 شىلدە, 12:33 341 0 قاۋىپسىزدىك ارمان قۇدايبەرگەن

سمارتفونداعى قاۋىپسىزدىك سەرتيفيكاتى نەگە كەرەك؟

قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ ۇيالى بايلانىس وپەراتورلارىنان ابونەنتتەرگە قاۋىپسىزدىك سەرتيفيكاتىن ورناتۋ حابارلاماسىنا قاتىستى پىكىر ءبىلدىردى.

«بالالارعا ينتەرنەتتە ەكسترەميستىك، لاڭكەستىك سيپاتتاعى جانە باسقا دا تەرىس ماندەگى ماتەريالداردى كورۋ پايدالى ما؟! قاۋىپسىزدىك سەرتيفيكاتى وسى ماسەلەلەردى شەشەتىن بولادى. اتالعان سەرتيفيكاتتى ورناتۋدى ءار ادام ەرىكتى نەگىزدە جۇرگىزەدى. ەگەر دە جاقىندارىڭىزعا، بالالارعا الاڭداساڭىز، قاۋىپسىزدىك سەرتيفيكاتىن ورناتاسىز، ال ەگەر قاجەت ەمەس دەپ ساناساڭىز، وندا ورناتپاۋعا ەرىكتىسىز. سەرتيفيكاتتىڭ تاعى ءبىر پايدالى جاعى – ول اقپاراتتىق قاۋىپسىزدىككە قاتىستى پروبلەمالاردى شەشۋگە مۇمكىندىك بەرەدى. ويتكەنى سايتتاردىڭ جۇمىسىنا كەدەرگى كەلتىرەتىن ارەكەتتەر بولىپ جاتادى»، - دەدى مينيستر.

سونىمەن قاتار ا. جۇماعاليەۆ قازاقستان حالقىنىڭ جەكە مالىمەتتەرىن قورعاۋ زاڭنامامەن كەپىلدىك بەرىلگەنىن اتاپ ءوتتى.

ازىرگە ونداي SMS الماعان ادامداردىڭ الاڭداۋىنا سەبەپ جوق. سىلتەمە كەلگەن ءساتتى كۇتىپ، ورناتۋعا دايىن بولۋى كەرەك. مامانداردىڭ ايتۋىنشا، ابونەنتتىڭ حاكەرلىك شابۋىلعا ۇشىراۋى ءۇشىن كۇماندى سىلتەمەگە ءوتۋى مىندەتتى ەمەس. ياعني قاۋىپسىزدىك جۇيەسىنىڭ سەرتيفيكاتى بولماعان جاعدايدا ينتەرنەت ارقىلى پايدالاناتىن كوپتەگەن قىزمەتتەرگە كىرەتىن قۇپيا سوزدەر مەن كودتاردى ۇرلاۋ وڭاي. قاۋىپسىزدىك جۇيەسىنىڭ سەرتيفيكاتىن ورناتۋ وسى ءۇشىن قاجەت.

 

سوڭعى جاڭالىقتار