23 شىلدە, 09:47 410 0 بىلگەنگە مارجان Túrkistan Gazeti

مۇمكىندىگى شەكتەۋلى جاندارعا ارنالعان جازعى مەكتەپ اشىلدى

ەلوردادا مۇمكىندىگى شەكتەۋلى جاندارعا ارنالعان فريلانسەرلەر جازعى مەكتەبى ءوز جۇمىسىن باستادى.

«بۇل يدەيا ماعان وسىدان 1-2 جىل بۇرىن كەلدى. مەن ول كەزدە مۇمكىندىگى شەكتەۋلى جاندارمەن جۇمىس ىستەدىم. سوندا ول كىسىلەر قاشىقتىقتان جۇمىس ىستەۋ مۇمكىندىگى قاراستىرىلسا، بىزگە قالادا ءجۇرىپ تۇرۋ قيىن دەگەنتۇعىن. سودان ويىمدى جۇزەگە اسىرۋ ماقساتىندا وسى جوبانى قولعا الدىم. جوبامنىڭ تۇجىرىمداسىن الىپ قالالىق اكىمدىككە باردىم، اكىمدىك بىردەن قولداۋ ءبىلدىردى»، - دەدى جوبا يدەياسىنىڭ اۆتورى ۇلان ابىشەۆ.

اتالعان جوبانىڭ ماقساتى – مۇمكىندىگى شەكتەۋلى جانداردى فريلانسەر بولىپ جانە الەۋمەتتىك جەلىلەرمەن جۇمىس ىستەۋگە ۇيرەتۋ.

«فريلانسەرلەر كۋرسىنا 36 ەلوردالىق تىركەلىپ، نيەت ءبىلدىردى. بۇگىن كۋرستىڭ العاشقى كۇنى وندا 20 ادام ءدارىس الىپ جاتىر. جوسپارعا سايكەس ولار 3 كۇن وفلاين تۇردە ءدارىس الادى جانە 3 كۇن قاشىقتىقتان وقيدى. 1 اپتاعا سوزىلاتىن كۋرس سوڭىندا قاتىسۋشىلارعا ارنايى سەرتيفيكات بەرىلەدى. وقىتۋشى رەتىندە فريلانسەرلىك جۇمىس ىستەۋ تاجىريبەسى بار جانە الەۋمەتتىك جەلىلەردىڭ بەلسەندى ماماندارىن شاقىردىق»، - دەدى ول.

ونىڭ ايتۋىنشا، پيلوتتىق نۇسقا رەتىندە قولعا الىنعان بۇل جوبا ءساتتى جۇزەگە اسىرىلسا، الداعى ۋاقىتتا رەسپۋبليكالىق دەڭگەيدە قولعا الىناتىن بولادى.

«ءبىزدىڭ تۇپكى ماقسات – مۇمكىندىگى شەكتەۋلى جاندارعا ارنالعان فريلانسەرلەردىڭ ۇلتتىق جەلىسىن قۇرۋ. ياعني، بۇل جوبا ويداعىداي جۇرگىزىلسە، الداعى ۋاقىتتا رەسپۋبليكانىڭ بارلىق وڭىرلەرىندە اشىلاتىن بولادى. تاعى ءبىر ايتىپ وتەتىن جايت، ءبىز قاتىسۋشىلاردى تىركەگەندە مۇمكىندىگىنشە وزدىگىنەن ءجۇرىپ تۇرا المايتىن جانداردى قاتىستىرۋعا تىرىستىق. سەبەبى ول كىسىلەردىڭ جۇمىس ىستەۋگە قابىلەتى بولعانىمەن، ولارعا جۇمىس بەرۋشىلەر تابىلا بەرمەيدى»، - دەيدى جوبا اۆتورى.

 

سوڭعى جاڭالىقتار