22 شىلدە, 11:41 375 0 دەنساۋلىق Túrkistan Gazeti

425 ملن ادام ديابەتكە شالدىققان. نەگە؟

ديابەتتى ەرتە انىقتاۋعا ارنالعان ۇلتتىق سكرينينگتىك باعدارلاما قازاقستانداعى ەرەسەكتەردىڭ 8,2 پايىزى ديابەتكە شالدىققانىن انىقتادى.

سونداي-اق، ەلدەگى ەرەسەكتەردىڭ 38 پايىزى ديابەتكە شالدىعۋدىڭ الدىندا تۇر. دۇنيەجۇزىلىك ديابەت فەدەراتسياسىنىڭ دەرەكتەرى بويىنشا، الەمدە 425 ميلليوننان استام ادام ديابەتپەن ءومىر سۇرۋدە.

NOMAD ديابەتتى ەرتە انىقتاۋعا ارنالعان ۇلتتىق سكرينينگتىك باعدارلامانىڭ ناتيجەلەرىنە سايكەس قازاقستاندا ەرەسەكتەردىڭ 38%-ى ديابەت الدىندا تۇرسا، 8,2% -ءى ديابەتپەن زارداپ شەگەدى.

سونىمەن قاتار، ەكىنشى ءتيپتى ديابەت دياگنوزىمەن 312 مىڭ قازاقستاندىق ەسەپتە تۇر. ال شۆەتسياداعى كارولين ينستيتۋتىنىڭ زەرتتەۋشىلەرى ونداعى 60 جاستان اسقان تۇرعىندارعا سىناق جۇرگىزىپ كورگەن.

زەرتتەۋگە قاتىسقان ەگدە ادامداردىڭ بارلىعىندا «ديابەت الدى» دياگنوزى قويىلىپ، قانداعى قانت دەڭگەيى 100-دەن 125 ميلليگرامم-دەتسيليتر كولەمىندە ەكەنى انىقتالعان. اتالمىش ادامدار 12 جىل بويى زەرتتەۋشىلەردىڭ باقىلاۋىندا بولادى. ەڭ سوڭىندا قاتىسۋشىلاردىڭ 22 پايىزى قالىپتى ليكەمياعا ورالىپ، ءبىرشاما ساۋىقسا، 13 پايىزىندا ديابەت ءورشي تۇسكەن.

قالعانى دەرتتىڭ سالدارىنان كوز جۇمعان. وسىلايشا، عالىمدار دەنە بەلسەندىلىگى ديابەتتىڭ الدىن الىپ، ءولىم دەڭگەيىن تومەندەتەتىنىن دالەلدەگەن.

بۇل پىكىرمەن «امان-ساۋلىق» قوعامدىق قورىنىڭ پرەزيدەنتى، دارىگەر باقىت تۇمەنوۆا دا كەلىسەدى.

«ديابەت الدى» دياگنوزى 2-ءشى ءتيپتى قانت ديابەتىنە اۆتوماتتى تۇردە اۋىسپايدى. ياعني، كوپ دۇنيە ادامنىڭ كۇتىمىنە بايلانىستى. اۋرۋدى اسقىندىرماۋ ءۇشىن دەنە بەلسەندىلىگى مەن تولىققاندى ۇيقى جانە دۇرىس تاماقتانۋ رەجيمدەرىن ساقتاسا بولعانى. بۇل ەندى ەمدەلۋشىنىڭ ەرىك-جىگەرى مەن ىنتاسىنا دا تىكەلەي بايلانىستى»، - دەيدى وتاندىق مامان.

تەگتەر ديابەت

سوڭعى جاڭالىقتار