21 شىلدە, 12:49 385 0 تۋريزم Túrkistan Gazeti

جازعى جاستار لاگەرى دارىندى كاسىپكەرلەردى شىعاردى

اۋقىمدى جوبانىڭ ەكىنشى كەزەڭىنە قازاقستان، موڭعوليا، قىتاي، تۇركيا، ءازىربايجان جانە قىرعىزستان ەلدەرىنەن جينالعان 200 جاس  دارىن قاتىستى. 

وسى كەزەڭنىڭ 9 كۇنىندە 200 لاگەر قاتىسۋشىلارى كەلەسى ءتورت باعىتتاعى جوبالار بويىنشا تالماي ەڭبەك ەتتى، ولار: ازاماتتىق قوعامدى دامىتۋ، كاسىپكەرلىك داعدىلارى، جاسىل ەكونوميكا، كرەاتيۆتى ەكونوميكا جانە جاڭا مەديا.
تالىمگەرلەر مەن ءادىل قازىلار القاسىنىڭ پىكىرىنە سۇيەنسەك، ءار جوبا ءوزىنىڭ بىرەگەيلىگىمەن جانە تاڭدالعان باعىتتاعى نەگىزگى مىندەتتەردى بىرىڭعاي ەمەس تاسىلمەن شەشۋ جولدارىمەن ەرەكشەلەندى. ولاردىڭ قاتارىندا: اۋىلدىق جەرلەردە ارنايى بيوگاز قوندىرعىلارىن ورناتۋ، بيولوگيالىق تۇرعىدان ءشىريتىن ماتەريالدان جاسالاتىن جانە 350 رەتكە دەيىن قولدانۋعا بولاتىن ەكو-باxيلالار، حالۆا، ماي، كوسمەتيكا الۋعا بولاتىن سافلور وسىمدىگىن ءوسىرۋ، جاساندى جانە حيميالىق ەلەمەنتتەر قوسىلماعان، جانۋارلارعا ارنالعان «ءتىرى» قورەك ءوندىرۋ ءتارىزدى جوبالار بولدى. ودان بولەك، قيمىل-تىرەك جۇيەسى بۇزىلعان جاندارعا كومەكتەسۋگە باعىتتالعان جوبا دا بار، مۇندا جاستار ارنايى توسەك پەن جۇرۋگە ارنالعان قيمىل ۇقساتقىشى، ايەلدەردىڭ ۇرپاق جاڭعىرتۋ دەنساۋلىعىنا بايلانىستى ماسەلەلەردى شەشۋگە ارنالعان يننوۆاتسيالىق پلاتفورما جانە ت.ت. بار. بارلىق جوبا ساراپشى قازىلاردان جوعارى باعا الدى.
ەكىنشى كەزەڭنىڭ ءار كۇنى تەرەڭ وي-تولعاۋلارمەن جانە  جوبامەن جۇمىس جاساۋدان بولەك، ءداستۇرلى تۇردە، لاگەر قاتىسۋشىلارىنا اتاقتى سپيكەرلەر كەلىپ، ىنتالاندىراتىن سوزدەر ايتىپ، كەزدەسۋلەر وتكىزدى.
ولاردىڭ قاتارىندا قازاقستاندىق تانىمال الپينيست، قر الپينيستەر قۇراماسىنىڭ كاپيتانى، الپينيزم سپورتى بويىنشا قر ەڭبەگى سىڭگەن سپورت شەبەرى، جوعارى دەڭگەيلى الپينيزم بويىنشا قر بىرىنشىلىگىنىڭ بىرنەشە دۇركىن چەمپيونى، ءارى جۇلدەگەرى ماقسۇت جۇماەۆ; كاسىپكەر، قازاقستانداعى ەڭ ءىرى تاكسوپاركتەردىڭ ءبىرىنىڭ نەگىزىن قالاۋشى تيمۋر حۇدايبەرگەنوۆ، قازاقستاننىڭ مەملەكەتتىك جانە قوعام قايراتكەرى، نۇر-Cۇلتانداعى مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتى توراعاسى ءاليحان بايمەنوۆ بار.
ماۋسىمنىڭ سالتاناتتى جابىلۋىنا قر ءبىلىم جانە عىلىم ۆيتسە-ءمينيسترى فاتيما جاقىپوۆا قاتىستى. ول قاتىسۋشىلاردىڭ بارلىق جوباسىنا جاقسى باعا بەرىپ، «زەرەن-2019» لاگەرىنىڭ ۇيىمداستىرىلۋى مەن دايىندىعى جوعارى دەڭگەيدە ەكەنىن اتاپ ءوتتى.
«وسىندا بولىپ جاتقاننىڭ ءبارىن كورىپ  شىن جۇرەكتەن قۋانىشتىمىن. «زەرەن-2019» لاگەرى – بۇل قازىردىڭ وزىندە ومىرىمىزدەگى كوپتەگەن ماسەلەلەردى شەشۋدىڭ ەرەكشە جولدارىن ۇسىناتىن جاس اقىلداردىڭ كۆينتەسسەنتسياسى. بارلىعىڭىزدىڭ تابىستى كاسىپكەر بولىپ، ءوز يدەيالارىڭىزدى جۇزەگە اسىرۋلارىڭىزدى جانە ولاردى قازاقستانعا عانا ەمەس، بۇكىل الەمگە كورسەتۋلەرىڭىزدى، ءارى قولدانۋلارىڭىزدى تىلەيمىن»، - دەدى فاتيما نادىرقىزى.

ءبىلىم بەرۋ لاگەرىنىڭ ەكىنشى ماۋسىمىنىڭ جەڭىمپازدارى:

"ەكو باحيلى Zeren" جوباسىمەن UPGRADE كومانداسى. كەم دەگەندە 350 رەت پايدالانۋعا بولاتىن بيولوگيالىق ىدىرايتىن ماتەريالدان ەكو-باحيل تىگۋ.

Q4 كومانداسى "تاقىمدى تۇلعا"جوباسىمەن. ۇلتتىق ات وقۋ ورتالىعىنىڭ اشىلۋى.

Arasan كومانداسى "Aiel Baqyty" جوباسىمەن. ايەلدەردىڭ رەپرودۋكتيۆتى دەنساۋلىعىنا بايلانىستى بارلىق پروبلەمالاردى شەشۋ ءۇشىن يننوۆاتسيالىق پلاتفورما قۇرۋ.

دەمەۋ كومانداسى "دەمەۋ" جوباسىمەن. مۇمكىندىگى شەكتەۋلى ادامدار ءۇشىن تەگىن وقۋ كۋرسى جانە تۇراقتى جۇمىسقا ورنالاستىرۋ

"اگرو-م" جوباسىمەن ۇمتىلۋ كومانداسى. حالۆا، ماي، كوسمەتيكا جاساۋعا بولاتىن سافلور ءوسىرۋ، حيميا مەن تىڭايتقىشتاردى پايدالانۋعا شىعىنسىز جانۋارلارعا ارنالعان ء"تىرى" ازىق.

ءار كوماندا 1 ملن. تەڭگە كولەمىندە اقشالاي سىيلىق الدى، ال جالپى جۇلدە قورى 5 ملن.تەڭگەنى قۇرادى.
سونداي-اق بيزنەس-پەرىشتەلەردىڭ "حاكا" كومانداسى مەن "Trend Team"كومانداسىنا 2 ملن.تەڭگە تابىس ەتىلدى.

«زەرەن-2019» رەسپۋبليكالىق تانىمدىق جاستار جازعى لاگەرى قر اقپارات جانە قوعامدىق دامۋ مينيسترلىگىنىڭ باستاماسىمەن ۇيىمداستىرىلىپ، قازاقستاندا جاستار جىلىن وتكىزۋ بويىنشا جول كارتاسى شەڭبەرىندە جۇزەگە اسىرىلىپ جاتقانىن ەستەرىڭىزگە سالامىز. لاگەردىڭ ماقساتى – ناقتى ىسكە اساتىن، ورنىقتى، الەۋمەتتىك باعىتتاعى بيزنەس جوبالاردى قازاقستاننىڭ بارلىق وڭىرىندە اشۋ. «زەرەن-2019» جاستاردىڭ ءوزىن ءوزى كورسەتۋىنە كومەكتەسىپ، جاستاردىڭ، سونىڭ ىشىندە اۋىل جاستارىنىڭ ەكونوميكالىق جانە الەۋمەتتىك ساتىلارعا قول جەتكىزۋىنە كومەكتەسۋ ءۇشىن اشىلعان.

سوڭعى جاڭالىقتار