19 شىلدە, 17:22 329 0 ايماق ارمان قۇدايبەرگەن

جارمەڭكەدە 150 توننا ءونىم ۇسىنىلدى

ارىس قالاسىندا وبلىس تاۋار وندىرۋشىلەرىنىڭ اۋىل شارۋاشىلىعى ونىمدەرى جارمەڭكەسى ءوتتى. وبلىس اكىمدىگىنىڭ ۇيىمداستىرۋىمەن وتكىزىلگەن جارمەڭكەدە ونىمدەر نارىقتاعى باعادان 30 پايىز ارزانعا ساتىلدى، دەپ حابارلايدى ءوڭىر باسشىسىنىڭ ءباسپاسوز قىزمەتى.

جارمەڭكەدە 150 توننادان استام ءونىم جۇرتشىلىققا ۇسىنىلدى. ونىمدەردىڭ جالپى قۇنى 65 ميلليونعا جۋىق تەڭگەنى قۇرايدى. بارلىق اۋدان، قالالاردىڭ دامۋ باسىمدىقتارىنا ساي جيناقتالىپ، ۇسىنىلعان ونىمدەرگە ارىستىقتار ريزاشىلىعىن ءبىلدىردى.

ماسەلەن، ەت جانە ەت ونىمدەرىنىڭ جالپى كولەمى 47,6 توننانى قۇراسا، 41 توننا كوكونىس تە ساتىلىمعا شىقتى. 8,4 توننا ءسۇت ءونىمى، 28 توننا باقشا ءونىمى دە لەزدە ساتىلىپ كەتتى. سونىمەن بىرگە 7,5 توننا جەمىس-جيدەك، 3 توننا بالىق، 14 توننا وزگە دە تاۋارلار ارىستاعى جارمەڭكەگە جەتكىزىلدى.

ارىس قالاسىن قالپىنا كەلتىرۋ جانە تۇرعىنداردىڭ ءال-اۋقاتىن كوتەرۋ ماقساتىندا وتكەن كەزەكتى جارمەڭكەدە سوزاق اۋدانىنىڭ مادەنيەت سالاسىنىڭ قىزمەتكەرلەرى ونەر كورسەتىپ، جۇرتشىلىققا كوتەرىڭكى كوڭىل-كۇي سىيلادى.

 

سوڭعى جاڭالىقتار