18 شىلدە, 12:47 505 0 نۇر وتان Túrkistan Gazeti

Nur Otan - اپتالىق شولۋ

انالارعا بەرىلگەن مۇمكىندىك

«Nur Otan» پارتياسى كوپبالالى انالارعا قولداۋ كورسەتۋدى توقتاتقان ەمەس. سونىڭ ءبىر ايعاعى – انالارعا بەرىلگەن مىنا ءبىر مۇمكىندىك. اپتا باسىندا ەلوردالىق 20 كوپبالالى اناعا تىگىن شەبەرلىگىن مەڭگەرگەنىن ايعاقتايتىن ارنايى سەرتيفيكات پەن العاشقى كاسىپتەرىن باستاۋعا جول اشاتىن تىگىن ماشيناسى بەرىلدى.

كوپبالالى جانە ومىردە قيىن جاعدايعا تاپ بولعان وتباسىندا بالا تاربيەلەپ وتىرعان انالارعا مۇنداي مۇمكىندىكتى «Nur Otan» پارتياسى جانىنداعى بالالار قۇقىعىن قورعاۋ جونىندەگى رەسپۋبليكالىق كەڭەس پەن قازاقستان ىسكەر ايەلدەر قاۋىمداستىعى جانە «يۋتاريا» تىگىن فابريكاسى بەرىپ وتىر.

بالالار قۇقىعىن قورعاۋ جونىندەگى كەڭەس پەن قازاقستان ىسكەر ايەلدەر قاۋىمداستىعى «باقىتتى وتباسى» پارتيالىق جوباسىنىڭ اياسىندا «ءجار­­دەم» باعدارلاماسىن ىسكە اسىرعان بولاتىن. اتالمىش باعدارلاما ءسا­بيى بار انالار بالاسىن قاراۋسىز قال­دىرمايتىنداي ەتىپ ولاردىڭ ۇيدە جۇمىس ىستەۋىنە، سونداي-اق، ومىردە قيىن جاعدايعا تاپ بولعان وتباسىلاردىڭ قارجىلىق جاعدايىن جاقسارتۋ ءۇشىن مۇمكىندىكتەر جاساۋدى كوزدەيدى.

ماڭىزدى شاراعا قاتىسقان «Nur Otan» پارتياسىنىڭ حاتشىسى الىبەك الدەنەي انالاردىڭ قوعامداعى رولىنە، ۇلتتىق بولمىس پەن ەرەكشەلى­گى­مىزدى ساقتاپ قالۋ جولىنداعى ولاردىڭ ەرەن ەڭبەگىنە ەرەكشە توقتالدى. «سوعىس ءورتى مەن تالاي قۋعىن-سۇرگىندى باسىنان وتكەرگەن ۇلت رۋحىنىڭ قايتا تىرىلۋىنە بىردەن-ءبىر سەبەپكەر بولعان – اق جاۋلىقتى انالارىمىز. ەر-ازاماتى مايدانعا اتتانعاندا باسقا تۇسكەن اۋىرتپالىققا مويىماي، بالالارىن اسىراپ، ەل قاتارىنا قوسقان انالار بولدى. سوندىقتان اناعا دەگەن قۇرمەتىمىز شەكسىز. سىزدەردىڭ كوپبالالى انا رەتىندە قولعا العان كاسىپتىڭ وتباسىلارىڭىزعا تابىس اكەلەتىنىنە سەنىمدىمىز. ارينە، ءار كاسىپتىڭ ءوز قيىندىعى بار. بىراق ىنتا مەن جىگەر بولسا، كەز كەلگەن قيىندىقتى جەڭۋگە بولادى»، – دەدى پارتيا حاتشىسى.

سونداي-اق، الىبەك الدەنەي مۇنداي يگى باستامالاردىڭ جالعاساتىنىن جانە پارتيانىڭ كوپبالالى انا­لارمەن تىكەلەي بايلانىس ورناتۋعا دايىن ەكەنىن جەتكىزدى. «يۋتاريا» تىگىن فابريكاسىنىڭ وندىرىستىك بازاسىندا ەكى اپتا بويى قايتا دايارلاۋدان وتكەن انالارعا تۇڭعىش پرەزيدەنت – ەلباسى قورى دەمەۋشىلىك جاساپ، تىگىن ماشينالارىن تارتۋ ەتتى. وسى ورايدا، بالالار قۇقىعىن قورعاۋ جونىندەگى كەڭەس توراعاسىنىڭ ورىنباسارى دينارا زاكيەۆا «جاردەمدى» جۇزەگە اسىرۋعا قولداۋ بىلدىرگەن تۇڭعىش پرەزيدەنت – ەلباسى قورى مەن «يۋتاريا» فابريكاسىنا العىسىن ءبىل­دىردى. «انانىڭ بالا تاربيەسىنەن قول ۇزبەي-اق، ۇيدە وتىرىپ جۇمىس ىستەۋىنە جاعداي جاساۋ ءۇشىن تىگىنشىلىك جانە اسپازدىق كۋرستار اشتىق. بۇگىن وسى كۋرستىڭ العاشقى لەگى وقۋدى ءتامام­دادى. كۋرس بارىسىندا انالارعا ءتى­گىن­شىلىكتىڭ قىر-سىرىنان بولەك، قازىرگى تاڭدا ەلىمىزدە قولعا الىنعان مەملەكەتتىك باعدارلامالار ءتۇسىندى­رىلدى.  سونىمەن قاتار، انالاردىڭ ال­­عاشقى تاپسىرىستار الىپ، دايىن ونىمدەرىن ساتۋعا قول ۇشىن بەرۋ ءۇشىن نارىقتا قالىپتاسقان كاسىپكەرلەر دە وسى جۇمىسقا جۇمىلدىرىلدى. سوندىقتان اتالعان باعدارلامانى وتە ءتيىمدى، كەشەندى ءارى پايدالى بولدى دەۋگە نەگىز بار»، – دەدى دينارا زاكيەۆا.

وسى كۋرستى تامامداعان ءتورت بالانىڭ اناسى ينديرا ميىقباەۆا با­­لالارى كىشكەنتاي بولعاندىقتان، بۇ­عان دەيىن ماماندىعى بويىنشا جۇمىس ىستەمەگەنىن، ەندى تەگىن قايتا دايارلىقتان ءوتۋ ارقىلى جاڭا كاسىپتى مەڭگەرگەنىن قۋانا جەتكىزدى. «نەگىزگى ماقساتىم – ۇيدە وتىرىپ-اق جەكە بيزنەس اشۋ. ول ءۇشىن مەملەكەتتىڭ جاساعان بارلىق مۇمكىندىگىن پايدالانعىم كەلەدى. Nur Otan پارتياسىنىڭ «باقىتتى وتباسى» جوباسى تۋرالى ەس­تىپ-ءبىلدىم. «جاردەم» باعدارلاماسىنىڭ يگىلىگىن ءوزىم كورىپ وتىرمىن. «اتا­مەكەن» ۇكپ-نىڭ ماماندارى وسىندا كەلىپ، بىزگە قازىر قانداي مەملەكەتتىك گرانتتار بار، ولاردى قالاي الۋعا بولادى، شاعىن كاسىپورىندى قالاي اشادى، جەكە كاسىپكەرلىكتى قالاي تىركەيدى دەگەن ساۋالدار توڭىرەگىندە سەمينار-ترەنينگ وتكىزدى. سوندىقتان، ءوز كاسىبىمدى باستاۋعا دايىنمىن»، – دەدى كوپبالالى انا ينديرا ميىقباەۆا.

ايتا كەتەيىك، «يۋتاريا» تىگىن فابريكاسى انالاردى تىگىن شەبەرلىگىنە ۇيرەتىپ قانا قويماي، بالالارىن بالاباقشاعا ورنالاستىرىپ ۇلگەرگەنىن جۇمىسقا قابىلداۋعا دا دايىن. سونداي-اق، تىگىنشىلىكتى مەڭگەرگىسى كەلەتىن وزگە دە كوپبالالى انالاردى كۋرستىڭ ەكىنشى لەگىنە قابىلداۋ باستالدى.

 

كەشەن جۇمىسى قارقىندى

قر پارلامەنتى ءماجىلىسىنىڭ دەپۋتاتى، «Nur Otan» پارتياسىنىڭ فراكتسيا مۇشەسى نۇرجان التاەۆ شىمكەنت قالاسىنا جۇمىس ساپارىمەن بارىپ، بىرقاتار كەزدەسۋلەر وتكىزدى.

سەيسەنبى كۇنى دەپۋتات «Conti­nen­tal Logistics Shymkent» كولىك لو­گيس­تيكالىق ورتالىعىنىڭ جۇمىسىمەن تانىسىپ، ۇجىممەن كەزدەستى. 2017 جىلدىڭ جەلتوقسان ايىندا ىسكە قوسىلعان ا+ ساناتىنداعى «Continental Logistics Shymkent» كەشەنىنىڭ بۇگىنگى جۇمىسى قارقىندى. مۇندا قۇرعاق جانە كليماتتىق قويمالاردان بولەك كونتەينەرلىك تەرمينال، كەدەندىك رەسىمدەۋ ايماعى مەن ىلەسپەلى قۇرىلىمدارى بار.

«باتىس ەۋروپا — باتىس قىتاي» كولىك ماگيسترالىنە جانە اۋەجايعا جاقىن ورنالاسقان «Continental Logitics Shymkent» جاڭا كولىكتىك-لوگيستيكالىق ورتالىعىندا تىكەلەي تەمىرجول جەلىسى دە قاراستىرىلعان. مۇنداعى ماماندار ماركەتينگ پەن مەنەدجمەنتتى كەڭىنەن قولدانا وتىرىپ كەشەننىڭ مۇمكىندىكتەرىن تولىق پايدالانۋعا كىرىسكەن.

ورتالىقپەن تانىسۋ بارىسىندا دەپۋتات نۇرجان التاەۆ شىمكەنتتەگى الىپ كەشەنگە كەلۋدەگى ماقساتىمەن ءبولىستى. «كولىك-لوگيستيكالىق ورتالىعى ءبىزدىڭ اۋىلشارۋاشىلىعىنىڭ كوپتەگەن ماسەلەلەرىن شەشەتىن ماڭىزدى جوبانىڭ ءبىرى. بىزدەگى كوپتەگەن فەرمەرلەردىڭ، سولاردىڭ وزدەرىنىڭ پرودۋكتسياسىن قالالارعا شىعارۋ ءۇشىن لوگيستيكالىق ورتالىق، قويمالار قاجەت. قازىرگى تاڭدا اۋىلشارۋاشىلىق ونىمدەرىنىڭ باعاسىنىڭ ءوسىپ جاتقانى وسىنداي قويمالاردىڭ جوقتىعىنان. بىراق قازىر بۇل ۇلكەن جوبانىڭ ىسكە اسىپ جاتقانىنا وتە قۋانىشتىمىن. 93 گەكتار اۋماقتا ورنالاسقان نىسان تاۋاردى جيناۋ جانە ساقتاۋعا باعىتتالعان ورتالىقتىڭ نەگىزگى ارتىقشىلىعى – نىساننىڭ قولايلى جەردە ورنالاسۋىندا. وسىندا ساقتالاتىن وتاندىق ونىمدەر جەرگىلىكتى ساۋدا ورتالىقتارىنا جەتكىزىلىپ جاتىر. سونداي-اق، تاعى ءبىر جوبا لوگيستيكالىق ورتالىقتىڭ جانىنان 200 گەكتار اۋماعىندا اگرو-يندۋستريالدى ورتالىق سالىنايىن دەپ جاتىر. ول جەردە فەرمەرلەردىڭ كەلگەن تاۋارلارىن وڭدەپ، قويمالاردا ساقتالادى. وسى جوبالاردى جۇزەگە اسىرۋ ءۇشىن ارى قارايدا جۇمىستى اتقاراتىن بولامىز»، – دەدى نۇرجان التاەۆ.

ورتالىقتا بۇگىندە وزبەكستان، تاجىكستان، قىرعىزستان جانە رەسەيدەن كەلىپ جاتقان ترانزيتتىك جۇكتەر ساقتالادى جانە كەدەندىك راسىمدەۋدەن وتەدى. ارقايسىسىنىڭ اۋماعى 10 مىڭ 300 شارشى مەتر بولاتىن ەكى قويما جۇمىس ىستەيدى. قويمالار حالىقارالىق دەڭگەيدەگى «ا» ساناتىنىڭ تالاپتارىنا ساي. قازاقستان مەن وزبەكستان اراسىنداعى ساۋدا-ەكونوميكالىق قارىم-قاتىناستى جاقسارتۋ ءۇشىن ەندى ەكى ەل اراسىندا لوگيستيكالىق بىرلەسكەن كاسىپورىن قۇرۋ جوسپاردا بار.

 

جاستار يگىلىگىنە – جاڭا ورتالىق

«Nur Otan» پارتياسىنىڭ «قازاقستان كىتاپحانالارى – زاماناۋي ءبىلىم ورتالىقتارى» پارتيالىق جوباسى اياسىندا ءبىلىم ورتالىعى اشىلدى. ءماجىلىس دەپۋتاتى يرينا ارونوۆانىڭ قوستاناي وبلىسىنداعى قارابالىق اۋدانىنا جۇمىس ساپارى اياسىندا جاڭا ورتالىقتىڭ تۇساۋى كەسىلدى.

مۇندا ءتۇرلى ادەبيەتتەرمەن، وقۋ قۇرالدارىمەن قاتار، كەز كەلگەن اقپاراتتى ونلاين رەجيمدە الۋعا ءمۇم­كىن­دىك جاسالعان. ورتالىق ينتەرنەت جەلىسىمەن، تسيفرلى تەحنولوگيالارمەن، قاجەتتى جيھازدارمەن تولىقتاي قامتاماسىز ەتىلگەن. ورتالىققا كەلۋشىلەر قاجەتتى اقپارات الىپ قانا قويماي، ءوزارا وي-پىكىر، تاجىريبە الماسۋعا، شىعارماشىلىق ەڭبەكپەن اينالىسۋعا مۇمكىندىك الادى.

«باستىسى، جاستاردىڭ جاڭاشا ءبى­لىم الىپ، ونى دۇرىس پايدالانا بىلۋدە. تەحنولوگيالاردىڭ كەلەشەگى زور. سوندىقتان يننوۆاتسيالىق ءبىلىم الۋعا مۇمكىندىك جاساۋ – مەملەكەت ساياساتىنىڭ ماڭىزدى باعىتتارىنىڭ ءبىرى. «قازاقستان كىتاپحانالارى – زاماناۋي ءبىلىم ورتالىقتارى» جوباسىنىڭ شەڭبەرىندە قازىر ەلىمىزدە كىتاپحانالار وسىنداي ۋاقىت تالابىنا ساي ءبىلىم ورتالىقتارىنا اينالدىرىلىپ، ءتيى­سىن­شە جابدىقتالىپ، ەلەكتروندى ۇلگىگە كوشىرىلۋدە»، – دەيدى ءماجىلىس دەپۋتاتى يرينا ارونوۆا.

ورتالىق كىتاپتىڭ، ءتۇرلى ادەبيەتتەردىڭ دە قادىرىن ارتتىرىپ، كوپ­شى­لىك­تىڭ ۋاقىتىن ءتيىمدى وتكىزۋىنە سەپتىگىن تيگىزەدى. ايتا كەتۋ كەرەك، بۇل – وڭىردەگى وسىمەن التىنشى ءبىلىم ورتالىعى. ەندى اۋدان تۇرعىندارى حالىققا قىزمەت كورسەتۋ ورتالىعىنا جۇگىنبەي-اق، بىرقاتار قىزمەت تۇرلەرىن الا الادى.

 

تۇرعىندار ساۋالىنا جاۋاپ قاتتى

حالىق قالاۋلىلارىنىڭ ايماقتارعا ساپارى جالعاسۋدا. قر پارلامەنت ءماجىلىسىنىڭ دەپۋتاتى ءاليا ساپاروۆا اتىراۋ وبلىسىنا ارنايى ىسساپارمەن بارىپ، جەرگىلىكتى كاسىپورىن مەكەمەلەرىنىڭ ۇجىمىمەن كەزدەسۋلەر وتكىزدى.

دەپۋتات ساپار بارىسىندا اتىراۋدا مەملەكەتتىك باعدارلامالار اياسىندا جۇزەگە اسىپ جاتقان جوبالاردى كورىپ، ولاردىڭ كەلەشەكتە دامۋى ءۇشىن قاجەتتى قولداۋلاردىڭ جاسالاتىنىن جەتكىزدى. حالىق قالاۋلىسى «Nur Otan» پارتياسى اتىراۋ وبلىستىق فيليالىندا تۇرعىندارمەن جۇزدەستى.

قابىلداۋعا كەلگەن تۇرعىنداردىڭ ءبىرى ك.اۋبەكەروۆ ءوزىن مازالاپ جۇرگەن ماسەلە جايلى ءسوز قوزعاپ، دەپۋتاتتان كومەك سۇرادى. «توپىراقتىڭ 80-نەن استام ءتۇرى بار. توپىراقتا باعا بولماۋى ءتيىس. توپىراق جەر قويناۋىنىڭ قازبا بايلىعىنا جاتپايدى، بەكىتىلگەن حالىقارالىق ستاندارتتاردا سولاي بولاتىن. بۇل جونىندە 7 رەت سوت وتىرىسىندا جەڭىپ تە شىققانمىن. الايدا قازىر سول توپىراققا باعا قويىپ، جول سالۋ جۇمىستارى شامادان تىس قىمباتقا شىعۋدا. ونى تۇزەتۋ ءۇشىن زاڭدىلىقتارعا وزگەرىستەر ەنگىزىلۋى ءتيىس»، – دەدى اتىراۋلىق تۇرعىن.

تۇرعىنداردىڭ ۇسىنىس-تىلەكتەرىن مۇقيات تىڭداعان دەپۋتات ماسەلەنىڭ شەشۋ جولدارىن قاراستىراتىنىن ايتتى. كوتەرىلگەن ماسەلەلەرگە نازار اۋدارعان ءماجىلىس دەپۋتاتى تۇيتكىلدەردى شەشۋدىڭ زاڭدىق جولدارىن ءتۇسىندىردى. دەپۋتات اتاۋلى الەۋمەتتىك كومەك، كوپبالالى، از قامتىلعان وتباسىلاردى قولداۋ جانە جالاقىنى ارتتىرۋ توڭىرەگىندە ەلباسى قابىلداعان تاپسىرمالاردى حالىققا تانىستىرىپ ءوتتى. جيىن سوڭىندا تۇرعىنداردىڭ كوكەيكەستى سۇراقتارىنا جاۋاپ بەردى.

 

كوپبالالى وتباسىلارعا قولداۋ كورسەتىلمەك

باتىس قازاقستان وبلىسىنا جۇمىس ساپارىمەن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى قانات مۋسين، شاۆحات وتەمىسوۆ كەلدى. دەپۋتاتتار زاشاعان كەنتىندەگى «نۇرلى جەر» باعدارلاماسى بويىنشا سالىنىپ جاتقان 9 قاباتتى ءۇيدىڭ قۇرىلىسىمەن تانىستى.

«نۇرلى جەر» مەملەكەتتىك تۇرعىن ءۇي قۇرىلىسى باعدارلاماسىنىڭ نەگىزگى ماقساتى – حالىق ءۇشىن تۇرعىن ءۇيدىڭ قولجەتiم­دiلiگiن ارتتىرۋ.

«جالپى ورال-ساراتوۆ تراسساسى بويىندا بەكىتىلگەن قۇجاتقا سايكەس 9 ءۇي سالۋ جوسپارلانىپ وتىر. بۇگىنگى تاڭدا ونىڭ 7-ەۋى سالىنۋدا، ياعني وسى جىلى 774 پاتەر قولدانىسقا بەرىلەدى. اتالمىش ۇيلەردەن باسقا وسى جىلدىڭ ءتورتىنشى توقسانىندا زاشاعان كەنتىندە كەزەكتە تۇرعان الەۋمەتتىك وسال توپتارعا ارنالعان قۇرىلىس نىسانىن تاپسىرىسقا بەرۋ جوسپاردا بار»، – دەدى وبلىستىق قۇرىلىس باسقارماسىنىڭ باسشىسى الىبەك انتازيەۆ.

ال ءماجىلىس دەپۋتاتى شاۆحات وتەمىسوۆ: «نۇرلى جەر» باعدارلاماسى اياسىندا قازىرگى تاڭدا ەلىمىزدە مىڭداعان پاتەر سالىنۋدا. ناتيجەسىندە، كوپتەگەن جەرلەستەرىمىز تۇرعىن ۇيگە قول جەتكىزىپ جاتىر. بارىمىزگە بەلگىلى سوڭعى ۋاقىتتا كوپبالالى وتباسىلاردى تۇرعىن ۇيمەن قامتاماسىز ەتۋ جۇمىستارىنا باستى نازار اۋدارىلىپ وتىر. ەلباسىنىڭ تاپسىرماسى بويىنشا جىل سايىن 50 ملرد تەڭگە قاراجات بولىنەتىن بولادى. بۇكىل قاراجات ناقتى، تىكەلەي كوپ بالالى وتباسىلاردى تۇرعىن ۇيمەن قامتاماسىز ەتۋگە جۇمسالادى»، – دەپ اتاپ ءوتتى.

 

پاتەر كىلتى تابىستالدى

«Nur Otan» پارتياسىنىڭ «باقىتتى وتباسى» پارتيالىق جوباسى اياسىندا شىعىس قازاقستان وبلىسى زايسان اۋدانىندا كوپبالالى جانە از قامتىلعان وتباسىلاردى قولداۋ جۇمىستارى جالعاسىن تابۋدا.

اۋىلدىق جەرلەردە تۇراتىن تۇرعىن ۇيگە مۇقتاج كوپبالالى جانە از قامتىلعان وتباسىلارعا «پارىز» قورىنىڭ قارجىسى ەسە­بىنەن ساتىپ الىنعان باسپانالار بەرىلدى. «Nur Otan» پارتياسى شىعىس قازاقستان وبلىستىق فيليالىنىڭ توراعاسى، وبلىس اكىمى دانيال احمەتوۆتىڭ تىكەلەي تاپسىرماسىمەن كوپبالالى وتباسىلاردى تۇرعىن ۇيمەن قام­تاماسىز ەتۋ ماسەلەسىن شەشۋ جونىندە ءوڭىر­لىك قوعامدىق كوميسسيا قۇرىلىپ، جۇمى­سىن باستاپ كەتتى. قۇرامىنا كوپبالالى انالار قوسىلعان اتالعان كوميسسيا ساتىلىم­داعى ۇيلەردىڭ تۇرۋعا جارامدى، اۋىلدىق جەر بولعاندىقتان مال ۇستاپ، باقشا ءوسى­رۋگە ىڭعايلىسىن تاڭداپ ۇسىنىس جاسادى.

كوپبالالى وتباسىلارعا ۇيلەردىڭ كىلتىن «Nur Otan» پارتياسى اۋداندىق فيليالىنىڭ توراعاسى، اۋدان اكىمى سەرىك اقتانوۆ تا­بىستادى. سالتاناتتى شارادان سوڭ باسپانالى بولعان سەگىز بالانىڭ اناسى، «التىن القا» يەگەرى جاڭىلحان بۋكانوۆا ءسوز سويلەدى. «وسىعان دەيىن وتباسىمىزبەن پاتەر جالداپ تۇردىق. ءوزىمىزدىڭ ءۇيىمىز بولمادى. بۇگىنگى قۋانىشتىڭ ورنى ءبىر بولەك. اۋدان اكىمىنىڭ قولىنان پاتەردىڭ كىلتىن الدىق. ءدال مەندەي قۋانىپ وتىرعان وزگە دە كوپبالالى وتباسىلاردى قۋانىشتارىمەن قۇتتىقتايمىن. كوپبالالى وتباسىعا جاعداي جاساپ جاتقان پرەزيدەنت قاسىم-جومارت كەمەلۇلىنا، وبلىس اكىمى دانيال كەنجەتايۇلىنا، اۋدان اكىمى سەرىك قاسىمبەكۇلىنا ريزاشىلىعىمدى بىلدىرگىم كەلەدى»، – دەدى ول. باسپانالى بولعانىنا شاتتانعان كوپبالالى انالار باسشىلىققا العىسىن جەت­كىز­دى.

سوڭعى جاڭالىقتار