18 شىلدە, 12:26 545 0 قوعام Turkystan Support

100 مىڭ تەڭگەنى كىم الادى؟

ۇكىمەتتەن قولداۋعا بەرىلەتىن قارجىنى قاي اۋىلدار الاتىنى بەلگىلەندى. اتاپ ايتقاندا، اتالعان وتەماقى قارجىسى ارىس قالاسى مەن ىرگەسىندەگى ءۇش اۋىلدىڭ تۇرعىندارىنا بەرىلەدى.

ارىس قالاسىنداعى توتەنشە جاعدايعا بايلانىستى 100 مىڭ تەڭگە وتەماقى بەرۋ بويىنشا ءتۇرلى ساۋالدار تۋىنداۋدا. تارقاتىپ ايتار بول-ساق، اتالعان قارجىعا بايلانىستى كورشى ەلدىمەكەن تۇرعىندارىنان دا سۇراقتار كەلىپ تۇسۋدە. الايدا ۇكىمەت بەكىتكەن ءتىزىم بويىنشا وتەماقى بەرىلەدى. اتاپ ايتقاندا، ارىس قالاسى بويىنشا – 44 994 ادام، اقدالا اۋىلدىق وكرۋگىندە – 4 324 ادام، قوجاتوعاي اۋىلدىق وكرۋگى بويىنشا – 4 232 ادام، دەرمەنە اۋىلدىق وكرۋگىندە – 2 052 ادام. جالپى، ءبىرىنشى كەزەك-تە 55 602 تۇرعىنعا 100 مىڭ تەڭگەدەن 5,6 ملرد تەڭگە كولەمىندە وتەماقى تولەۋ جوسپارلانىپ وتىر. وتەماقى تولەۋگە ۇكىمەت رەزەرۆى ەسەبىنەن 3 ملرد تەڭگە، وبلىستىق بيۋدجەتتەن 1 ملرد تەڭگە جانە ارنايى قۇرىلعان «تۇركىستان» الەۋمەتتىك قورىنا تۇسكەن قارجىدان 1,6 ملرد تەڭگە بولىنەدى دەپ كۇتىلۋدە. جەرگىلىكتى تۇرعىنداردان قۇجاتتاردى قىسقا مەرزىمدە جيناۋعا ارىس قالاسىنداعى 17 سەكتوردا بەكىتىلگەن ءتيىستى ماماندار جانە اۋدان، قالا اكىمدىكتەرىنىڭ قىزمەتكەرلەرى جۇمىلدىرىلعان. ولار 2019 جىلدىڭ 3 شىلدەسىنەن باستاپ وتەماقى الۋعا وتىنىشتەر جيناقتاۋدا.

 

«تۇركىستان-اقپارات»

سوڭعى جاڭالىقتار