17 شىلدە 2019, 22:06 686 0 جاھان Túrkistan Gazeti

جەر داۋىنان 9 ادام قازا تاپتى

ءۇندىستاننىڭ سولتۇستىگىندەگى ەلدى مەكەندەردىڭ بىرىندە بولعان جەر داۋىنان 9 ادام ءولىپ، كەم دەگەندە 19 ادام جارالانعان. بۇل تۋرالى PTI اگەنتتىگى جازدى.

اگەنتتىكتىڭ حابارلاۋىنشا، بىرنەشە جەر ۋچاسكەسىنىڭ كىمگە تيەسىلى ەكەندىگى ناقتى كورسەتىلمەۋى ۇلكەن داۋدىڭ تۋىنا سوقتىرعان. ىمىراعا كەلە الماعان ساپاحي ەلدى مەكەنىنىڭ اقساقالدارى قاستارىنا جاقتاستارىن ەرتىپ الىپ، ىعىنا جىعىلماعان وزگە اۋىل تۇرعىندارىنا وق جاۋدىرعان.

ارتىنشا، ەكى جاقتان 100-گە جۋىق ادام جانجالعا ارالاسىپ، قاندى توبەلەس باستالعان. قۇقىق قورعاۋ ورگاندارىنىڭ اقپاراتىنا سايكەس، قازا تاپقانداردىڭ ۇشەۋى – ايەل.

شتاتتىڭ ۇكىمەتى داۋدى باسۋ ءۇشىن كۇشەيتىلگەن پوليتسيا جاساعىن جىبەردى. جەرگىلىكتى باق-تىڭ حابارلاۋىنشا، بۇلىك شىققان اۋدانداعى جاعداي تولىعىمەن باقىلاۋعا الىنعان.

تەگتەر جەر داۋى

سوڭعى جاڭالىقتار