17 شىلدە, 20:08 397 0 ىشكى ساياسات Túrkistan Gazeti

باقىتجان بۇقارباي: بيلىك بىرلەسە ءىس اتقارۋدى ماقسات ەتكەن

بەلگىلى قوعام بەلسەندىسى، ساراپشى، AmalBooks باسپاسىنىڭ جەتەكشىسى باقىتجان بۇقارباي ۇلتتىق كەڭەس مۇشەلىگىندە ءوزىنىڭ بارلىق ءبىلىمى مەن تاجىريبەسىن حالىق يىگىلىگىنە جاراتپاق ەكەنىن ايتتى.

ونىڭ ايتۋىنشا، ۇلتتىق كەڭەس قوعامداعى وزەكتى ماسەلەلەردى شەشۋدە ماڭىزدى ءرول اتقارماق.

«جۇرتشىلىقتىڭ، قوعامنىڭ، ازاماتتىق قوعام وكىلدەرىنىڭ، پارتيالاردىڭ كەڭىنەن تالقىلاۋى نەگىزىندە مەملەكەتتىك ساياساتتىڭ وزەكتى ماسەلەلەرى بويىنشا ۇسىنىستار مەن ۇسىنىمداردى تۇجىرىمداۋ مىندەتىمىز بولماق. بيلىك ازاماتتىق قوعام وكىلدەرىمەن بىرلەسە وتىرىپ، وزەكتى ماسەلەردى  انىقتاپ، شەشىمىن دە بىرلەسە قابىلداۋدى ماقسات ەتكەن. بۇل قۇپتارلىق نارسە. مەنىڭ نەمەن اينالىساتىنىمدى، قانداي ماسەلە ۇسىنارىمدى ازىرگە ءدوپ باسىپ ايتا المايمىن. العاشقى وتىرىس بولاتىن تامىز ايىنا دەيىن كوتەرەتىن ماسەلە ايقىندالادى»، - دەدى باقىتجان بۇقارباي.

«مەن بۇعان دەيىن دە قوعامدىق ماسەلەلەرمەن اينالىسىپ كەلگەنمىن. ءبىز وسىعان دەيىن 4 جىلدان بەرى مىڭ ادامعا قازاق ءتىلىن ۇيرەتتىك. 3 جىلداي قازاق جاستارىنىڭ اراسىندا ەل اراسىندا كىتاپ وقۋدى قايتادان ترەندكە اينالدىرۋ ءۇشىن جۇگىرىپ ءجۇرمىن. وسى باعىتتا ءبىلىمىم، تاجىريبەم بار. بىرنەشە كىتابىم شىقتى. قازاقستان ستراتەگيالىق زەرتتەۋ ينستيتۋتىندا 3 جىلداي قىزمەت ەتتىم. اناليتيكالىق تاجىريبەم بار. وسى باعىتتاعى ءبىلىم مەن تاجىريبەمدى ەل يگىلىگىنە جاراتامىن دەپ ايتا الامىن. مەن ەشقاشان ءوزىمدى ۇسىنعان ەمەسپىن. مەنى كىم ۇسىنعانىن دا بىلمەيمىن»، - دەدى ول.

سوڭعى جاڭالىقتار