17 شىلدە, 16:22 653 0 تۋريزم Túrkistan Gazeti

ماڭعىستاۋ مەن بەسقالانىڭ اراسى...

بۇگىن بەينەۋ اۋدانىنىڭ تاجەن اۋىلىندا «بەينەۋ-اقجىگىت-وزبەكستان رەسپۋبليكاسى» باعىتىنداعى رەسپۋبليكالىق ماڭىزى بار اۆتوكولىك جولىنىڭ اشىلۋ ءراسىمى ءوتتى.

سالتاناتتى شاراعا قر پرەمەر-ءمينيسترى اسقار مامين جانە وزبەكستاننىڭ پرەمەر-ءمينيسترى ابدۋللا اريپوۆ قاتىستى. بۇل اۆتوجول «تاشكەنت-سامارقاند-نۇكىس-بەينەۋ-اتىراۋ-استراحان» حالىقارالىق كولىك ءدالىزىنىڭ ءبىر بولىگى.

جاڭا جولمەن قازاقستاندىقتار وزبەكستان ارقىلى وزگە ەلدەرگە شىعا الاتىن بولادى. ورتالىق ازيا ەلدەرىنەن اقتاۋ جانە قۇرىق تەڭىز پورتتارى ارقىلى كاۆكاز ەلدەرى مەن ەۋروپا باعىتى بويىنشا ترانزيتتىك اۆتوموبيل اعىنى قالىپتاسادى. باق وكىلدەرى قاتىسقاق اۆتوماگيسترالدىڭ جالپى ۇزىندىعى 85 شاقىرىمدى قۇرايدى. اتالعان تاس جولدىڭ قۇرىلىس جۇمىستارىنا 108 ميلليون اقش دوللارى جۇمسالعان.

قۇرىلىس جۇمىستارى 2017 جىلى باستالعان بولاتىن. نىسانعا بارلىعى 381 ادام، 155 بىرلىك تەحنيكا جۇمىلدىرىلعان.

«مەملەكەتارالىق ماڭىزى بار وسىناۋ ەلەۋلى جوبا قازاقستان جانە وزبەكستان ەلدەرىنىڭ ەكونوميكالىق دامۋىنا ۇلكەن سەرپىلىس بەرىپ، ەكىجاقتى ىنتىماقتاستىقتىڭ ارتۋىنا سەپتىگىن تيگىزەتىن بولادى»، - دەدى اسقار مامين اشىلۋ سالتاناتىندا.

سوڭعى جاڭالىقتار