17 شىلدە, 10:42 364 0 بىلگەنگە مارجان Túrkistan Gazeti

«باتىر قويان»-نىڭ تۇساۋى كەسىلەدى

2019 جىلعى 20 شىلدە كۇنى قر ۇلتتىق كىتاپحاناسىندا جاس قالامگەر مەيىرجان جىلقىبايدىڭ «باتىر قويان»، «تاۋعا ساياحات» اتتى كىتاپتارىنىڭ تۇساۋكەسەر ءراسىمى وتەدى.

قر مادەنيەت جانە سپورت مينيسترلىگىنىڭ قولداۋىمەن ازيا مادەنيەتىن زەرتتەۋ ينستيتۋتى (كۆاندجۋ، وڭتۇستىك كورەيا) جانە قازاقستان رەسپۋبليكاسىنىڭ ۇلتتىق كىتاپحاناسىنىڭ بىرلەسۋىمەن جارىققا شىققان «باتىر قويان» ەرتەگىسى 2017 جىلى وڭتۇستىك كورەيادا ءۇش تىلگە اۋدارىلىپ، باسىلىپ شىقتى.

مەيىرجان جىلقىباي – جامبىل وبلىسى، جاڭاتاس قالاسىنىڭ تۋماسى. الماتى تەحنولوگيا ۋنيۆەرسيتەتىنىڭ ينجينيرينگ جانە اقپارات تەحنولوگيالارى فاكۋلتەتىنىڭ تۇلەگى. 2008 جىلى ونىڭ “تاۋعا ساياحات” اڭگىمەلەر توپتاماسى دۋلات يسابەكوۆتىڭ العىسوزىمەن جارىق كوردى. 2011 جىلى “قىرىق ءبىرىنشى وتىرىكتىڭ سوڭى” تۋىندىسى ءۇشىن حالىقارالىق “دارابوز” ادەبي بايقاۋىندا ىنتالاندىرۋ سىيلىعىن، 2015 جىلى “ساياق” اڭگىمەسى ءۇشىن جۇلدەلى 2-ورىن الدى.

شارا اياسىندا ازيا مادەنيەتىن زەرتتەۋ ينستيتۋتىنىڭ جانىنداعى تەاتر «جىل قالاي باستالادى» ەرتەگىسىن ساحنالاپ، بالالارعا كىتاپتار مەن سىيلىقتار تاراتادى.

ءىس-شاراعا دۋلات يسابەكوۆ، زەينەپ احمەتوۆا، كورەي رەسپۋبليكاسىنىڭ قازاقستانداعى باس كونسۋلى دجون سىن مين جانە باق وكىلدەرى قاتىسادى.

سوڭعى جاڭالىقتار