16 شىلدە, 10:26 361 0 ىشكى ساياسات Túrkistan Gazeti

#TazaQazaqstan اكتسياسى باستالدى

قر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ #Birge #TazaQazaqstan اكتسياسىن جاريالادى.

باس ەكولوگ ءوزىنىڭ Twitter پاراقشاسىندا نۇر-سۇلتان قالاسىنىڭ ماڭىنداعى سۋ قويمالارىنىڭ جاعدايى ءماز ەمەس ەكەنىن جازدى.

«قالامىزدىڭ جاقىن ماڭداعى سۋ قويمالارىنىڭ ءبىراز جەرىن ارالاپ شىقتىم. اۋماقتاردىڭ جاعدايى ءماز ەمەس، اينالا قوقىس، ادامداردان قالعان قالدىققا تولى. اياق الىپ جۇرگىسىز قوقىس ۇيىندىلەرى ۇيرەنشىكتى قۇبىلىسقا اينالعان. پروبلەمانى تەك اكىمشىلىك ادىسپەن شەشۋ مۇمكىن ەمەس، قوعامنىڭ بىرلىگى قاجەت»، - دەيدى ول.

مينيستر بۇل پروبلەماعا قوعام نازارىن اۋدارۋ ءۇشىن #Birge #TazaQazaqstan اكتسياسىن باستايتىنىن حابارلادى.

«وسىعان وراي، #Birge #TazaQazaqstan ەكولوگيالىق اكتسياسى جونىندە حابارلاعىم كەلەدi. 20 شىلدەدە قوياندى سۋ قويماسىن تازالاۋدان باستايمىز. قورشاعان ورتانىڭ تازالىعىن قالايتىن بارلىق ازاماتتاردى، قوعام قايراتكەرلەرىن، ۇكىمەت مۇشەلەرى مەن ەكولوگيا بەلسەندىلەرىن بىرگە قاتىسۋعا شاقىرامىن»، - دەدى ماعزۇم مىرزاعاليەۆ.

كەيىن مينيستر اكتسياعا اتسالىسۋ ءۇشىن قاي جەردەن جينالۋ قاجەتتىگىن دە كورسەتتى.

«جيىن 20 شىلدەدە 8:00 بەن 8:30دا ترياتلون پاركى تۇراعىنىنىڭ جانىندا (كiرۋ مومىشۇلى مەن قوشقارباەۆ قيىلىسىنان) بولادى. سول جەردەن بارلىعىمىز اۆتوبۋسپەن اكتسيا ورنىنا جەتەتiن بولامىز. تاماق پەن قاجەتتى قۇرالدار ۇيىمداستىرىلادى. جاقسى كوڭىل-كۇيمەن كەلiپ، يگى iسكە اتسالىڭىزدار»، - دەپ ۇندەۋ تاستادى.

 

 

سوڭعى جاڭالىقتار