15 شىلدە, 11:14 418 0 ءوندىرىس Túrkistan Gazeti

ەگىستىكتەن – سورەگە: شەلەك فەرمەرلەرى سۋپەرماركەتتەرگە كوكونىستەر جەتكىزىلىمىن باستادى

«شەلەك فەرمەرلەرى» اۋىلشارۋاشىلىق وندىرىستىك كووپەراتيۆى («فەرمەرى چيليكا») رەسپۋبليكالىق سۋپەرماركەتتەر جەلىسىنە كوكونىستەر جەتكىزىلىمىنىڭ باستالعانى تۋرالى حابارلادى. «شەلەك فەرمەرلەرىنىڭ» ءونىمى الماتى قالاسىنداعى «ارزان» سۋپەرماركەتتەر جەلىسىندە جانە الماتى، نۇر-سۇلتان، قاراعاندى، پاۆلودار، شىمكەنت، وسكەمەن قالالارىنداعى «مەترو Cash&Carry» ساۋدا ورتالىقتارىندا ساتىلاتىن بولادى.

وسى ماۋسىمدا «شەلەك فەرمەرلەرى» قازاقستاننىڭ سۋپەرماركەتتەرىنە، ونىڭ ىشىندە تومات پاستاسى مەن كەتچۋپ شىعاراتىن ءىرى وندىرىستىك كاسىپورىنداردىڭ ءبىرى «تسينكاز» جشس-نە - 300 توننادان استام كوكونىستى جەتكىزۋدى جوسپارلاپ وتىر، بۇل 2018 جىلعا قاراعاندا ەكى ەسە كوپ.

قازاقستاننىڭ ءىرى قالالارىنىڭ تۇرعىندارىنا قولجەتىمدى بولادى:

  • قىزاناق، جىلىجاي سورتتارى، جاڭا قىزعىلت، قىزىل جانە چەرري;
  • بۇرىش - لاستوچكا، مازۋركا، رەد دجەت، باعدارشام، بولگار قىزىل جانە جاسىل، جارتىلاي اششى، وتكىر چيلي;
  • قيار،  كورنيشونداردى قوسا العاندا;
  • ەكى سورتتى كادى - الماز جانە قارا حانزادا;
  • كارتوپ جانە الما، قاربىز بەن قۇلپىناي سياقتى باسقا دا اۋىل شارۋاشىلىعى ونىمدەرى.

بيىل «شەلەك فەرمەرلەرى» كوكونىس قابىلداۋ پۋنكتى مەن سۇرىپتاۋ پۋنكتىن سالىپ جاتىر، سونداي-اق سۋپەرماركەتتەردىڭ ءوتىنىشى بويىنشا اۆتورەفريجەراتور ساتىپ الىندى. سۇرىپتاۋ پۋنكتىندە اۋىل شارۋاشىلىعى ونىمدەرى سۇرىپتالادى جانە برەندتەلگەن ىدىسقا سالىنادى. سودان كەيىن ول كوكونىس قويماسىندا سالقىنداتىلادى، ال تاڭەرتەڭ ءوز يەلىگىندەگى رەفريجەراتور كوكونىستەردى الماتى سۋپەرماركەتتەرىنە جەتكىزەدى.

«ءبىر جىل بۇرىن «شەلەك فەرمەرلەرىنىڭ» ونىمدەرى ءبىزدىڭ الماتىداعى ساۋدا ورتالىعىمىزدا پايدا بولدى جانە بىردەن ءبىزدىڭ تۇتىنۋشىلارىمىزدىڭ لايىقتى باعاسىن الدى. كووپەراتيۆ تاۋارلارىن ساقتاۋ جانە تاسىمالداۋ جۇيەسىندەگى سوڭعى وزگەرىستەردىڭ ارقاسىندا بىزدە «شەلەك فەرمەرلەرى» ونىمدەرىن ءبىزدىڭ دۇكەندەرىمىز ورنالاسقان باسقا دا قالالارعا جەتكىزۋ مۇمكىندىگى بار. ءبىز بىزبەن بىرگە ءونىم جەتكىزۋشىلەرىمىزدىڭ ءوسىپ، دامىپ كەلە جاتقانىنا قۋانىشتىمىز، سەبەبى مۇنىڭ ناتيجەسىندە ەلدىڭ ەكولوگيالىق تازا اۋدانىندا وسىرىلگەن تابيعي، جەرگىلىكتى ءونىمدى ساتىپ الۋعا مۇمكىندىگى بار قازاقستاندىق تۇتىنۋشى جەڭەدى»، - دەپ ءتۇسىندىردى METRO Cash&Carry كوممەرتسيالىق ديرەكتورى ناتاليا مارحيەۆا.

«شەلەك فەرمەرلەرى» جوباسىن ەڭبەكشىقازاق اۋدانىنىڭ جەرگىلىكتى قاۋىمداستىقتار  قورى (جقق) 2014 جىلدان باستاپ «فيليپ مورريس قازاقستان» كومپانياسىنىڭ قولداۋىمەن ىسكە اسىرادى جانە ول فەرمەرلىك شارۋاشىلىقتى جۇرگىزۋدىڭ بارلىق كەزەڭدەرىن قامتيدى –جوسپارلاۋ مەن تۇقىمداردى وتىرعىزۋدان باستاپ فەرمەردىڭ سوڭعى پايدانى الۋىنا دەيىن.كووپەراتيۆكە كىرگەن فەرمەرلەر ترەنينگتەرگە، سەمينارلارعا بەلسەندى قاتىسادى، اگروبيزنەس-ورتالىقتا اگرونومدارمەن كەڭەسەدى، سونداي-اق باسقا وڭىرلەردەن كەلگەن فەرمەرلەرمەن تاجىريبە الماسادى. اگروبيزنەس-ورتالىق زاماناۋي اگروتەحنولوگيالارعا، لوگيستيكالىق تىزبەكتى قۇرۋ نەگىزدەرىنە، سونداي-اق اۋىل شارۋاشىلىعىنداعى مەنەدجمەنت پەن ماركەتينگكە ۇيرەتەدى. فەرمەرلەر تامشىلاتىپ سۋارۋ ءادىسىن، اسپالاردا قىزاناقتى ءوسىرۋ، مۋلچا-تاسپاسىن قولدانۋدى، اركا جىلىجايلارىن پايدالانۋ جانە باسقا دا وزىق تەحنولوگيالاردى يگەرۋدە.

«قازىر ءبىزدىڭ باستى مىندەتىمىز ءبىزدىڭ الەۋەتتى ساتىپ الۋشىلارىمىزدىڭ قاجەتتىلىكتەرىن زەرتتەۋ بولىپ تابىلادى، ءبىز ءىرى سۋپەرماركەتتەر مەن وڭدەۋشى كاسىپورىنداردىڭ ءبىزدىڭ تاراپىمىزدان نە كۇتەتىنىن تۇسىنگىمىز كەلەدى. ءبىز دۇكەندەرگە ارنالعان قۇجاتتامانى، سۇرىپتاۋدى، كاليبرلەۋدى جانە ءونىم قاپتاماسىن ناقتى جولعا قويدىق. سۋپەرماركەت ساپانى ساقتاي وتىرىپ، الىستاعى وڭىرلەرگە جەتكىزە الۋى ءۇشىن ءبىز سالقىنداتىلعان ءونىمدى جەتكىزۋ تەحنولوگياسىن پىسىقتادىق. ءبىز وسۋدەمىز، ءبىزدىڭ فەرمەرلەردىڭ ءبىلىمى مەن داعدىلارى وسۋدە، ءونىم ساپاسى، لوگيستيكا پروتسەستەرىنىڭ ساپاسى، دۇرىس قۇرىلعان ماركەتينگتى ءتۇسىنۋ ساپاسى وسۋدە. ءبىز مۇنىڭ ءبارى فەرمەرلەردىڭ تۇراقتى دامۋىنا جانە ولاردىڭ تابىسىنىڭ وسۋىنە الىپ كەلەتىنىنە سەنەمىز – بۇل ءبىزدىڭ باستى ماقساتىمىز»، - دەدى ەڭبەكشىقازاق اۋدانى جەرگىلىكتى قاۋىمداستىقتار قورىنىڭ اتقارۋشى ديرەكتورى باقىتگۇل ەلشىباەۆا.

سوڭعى جاڭالىقتار