15 شىلدە, 10:20 440 0 ىشكى ساياسات Túrkistan Gazeti

توقاەۆ قولدا بار مۇمكىندىكتى تولىق پايدالانۋعا شاقىردى

نۇر-سۇلتاندا قر پرەزيدەنتى قاسىم-جومارت توقاەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى باستالدى. مەملەكەت باسشىسى بيىلعى ەكونوميكالىق كورسەتكىشتەر حالىقتىڭ تۇرمىسىنا وڭ ىقپال ەتەتىنىن ايتتى.

«كۇن ءتارتىبى بويىنشا بىرقاتار وزەكتى ماسەلەلەر بار. بۇل ماسەلەلەر بويىنشا ءبىز ءتيىستى شەشىمدەردى قابىلداۋىمىز قاجەت. الدىمەن وتكەن جارتى جىلدىڭ الەۋمەتتىك-ەكونوميكالىق دامۋ قورتىندىلارىن قاراستىرامىز. جالپى، قاڭتار-ماۋسىم ايلارىندا جاقسى كورسەتكىشتەرگە قول جەتكىزدىك دەپ ايتۋعا بولادى. اتاپ ايتساق، ەكونوميكالىق ءوسىم 4,1 پايىزدى قۇرادى. ينفلياتسيانىڭ جىلدىق كورسەتكىشى 5,4 پايىز بولدى»، - دەدى مەملەكەت باسشىسى.

سونىمەن قاتار، پرەزيدەنت نەگىزگى كاپيتالعا سالىنعان ينۆەستيتسيالاردىڭ كولەمى 11,7 پايىزعا وسكەنىن اتاپ ءوتتى.

«ارينە، اتالعان ەكونوميكالىق كورسەتكىشتەردىڭ بارلىعى حالىقتىڭ تۇرمىسىنا وڭ ىقپال ەتۋى ءتيىس. قازىر وسى باعىتتا ءتيىستى جۇمىستاردى تالقىلاپ، الداعى جوسپارلاردى انىقتايمىز. باستى ماقسات – قولدا بار مۇمكىندىكتەردى ، الەۋەتىمىزدى تولىق پايدالانۋ. اتالعان جەتىستىكتەرىمىزدى ەسەلەۋىمىز كەرەك»، - دەدى قاسىم-جومارت توقاەۆ.

جيىنعا ۇكىمەت مۇشەلەرى، استانا، الماتى جانە شىمكەنت قالالارى مەن وبلىستاردىڭ اكىمدەرى، ورتالىق مەملەكەتتىك ورگاندار مەن مينيسترلىكتەردىڭ باسشىلارى قاتىسۋدا.

سوڭعى جاڭالىقتار