14 شىلدە, 17:52 442 0 ونەر Túrkistan Gazeti

قازاق بالاسى "سلاۆيان بازارىندا" كوش باستاپ تۇر

«ۆيتەبسك-2019» XXVIII حالىقارالىق ەسترادا اندەرىن جاس ورىنداۋشىلار بايقاۋىنىڭ ءبىرىنشى كۇنى ءوتتى. وندا قازاقستاندىق قاتىسشۋلى ءاليحان ماكين كوش باستاپ كەلەدى.

بايقاۋعا قاتىسۋشى 16 ونەرپاز ءتۇرلى قۇرلىقتان كەلگەن. ولاردىڭ مادەنيەتى مەن دىندەرى دە ءارتۇرلى، بىراق ولاردىڭ بارلىعىن ءبىر دۇنيە - مۋزىكا بايلانىستىرىپ وتىر. بايقاۋدا جەرەبە بويىنشا ءبىرىنشى بولىپ بەلارۋس ءانشىسى ۆانيا زدونيۋك ونەر كورسەتىپ، 82 ۇپاي الدى.

ودان كەيىن قىتايدان كەلگەن ءانشى سىين لي «كاتيۋشا» ءانىن شىرقاپ، 71 ۇپايعا يە بولدى. قازاق ءانشىسى ءادىلحان ماكين ءاندى كەرەمەت ورىنداپ قانا قويماي، گرەپپلينگ تريۋگىن كورسەتىپ، تاڭعالدىردى. وسىلايشا، ەڭ جوعارعى كورسەتكىش – 89 ۇپاي الدى. سونىمەن قاتار، بايقاۋدا يزرايل وكىلى يلاي (87 ۇپاي), ۋكرايندىك دميتري باباك (86 ۇپاي), گرۋزيالىق گەورگي پۋتكارادزە (86 ۇپاي), رەسەيلىك يۆان دياتلوۆ (85 ۇپاي), ليتۆالىق پاۋلينا (85 ۇپاي), مالتادان كەلگەن چەسس (82 ۇپاي), ارمەنيالىق مونيكا مانۋچاروۆا (78 ۇپاي), بولگاريالىق نيكي تانەۆ، گەرمانيالىق ەمين ونەر كورسەتتى.

ايتا كەتەيىك، «ۆيتەبسك-2015» XXIV ەسترادا اندەرىن ورىنداۋدىڭ حالىقارالىق بايقاۋىنىڭ گران-ءپريىن قازاقستاندىق جۇلدىز ديماش قۇدايبەرگەن دە يەلەنگەن بولاتىن.

سوڭعى جاڭالىقتار