28 ماۋسىم, 18:00 994 0 ىشكى ساياسات دينارا مىڭجاسارقىزى

باقىتجان ساعىنتاەۆ – الماتى قالاسىنىڭ اكىمى

 قر پرەزيدەنتى قاسىم-جومارت توقاەۆتىڭ جارلىعىمەن باقىتجان ساعىنتاەۆ الماتى قالاسىنىڭ اكىمى بولىپ تاعايىندالدى، دەپ حابارلايدى اقوردا.

"باقىتجان ءابدىرۇلى ساعىنتاەۆ الماتى قالاسىنىڭ اكىمى بولىپ تاعايىندالسىن", – دەلىنگەن جارلىق ماتىنىندە. باقىتجان ءابدىرۇلى ساعىنتاەۆ 1963 جىلى 13 قازاندا دۇنيەگە كەلدى. جامبىل وبلىسىنىڭ ءۇشارال اۋىلىندا تۋعان. س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ فيلوسوفيا-ەكونوميكا فاكۋلتەتىن بىتىرگەن. 1985 جىلدان - الماتى حالىق شارۋاشىلىعى ينستيتۋتىنىڭ ساياسي ەكونوميا كافەدراسىنىڭ مەڭگەرۋشىسى. 1988 جىلدان س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ الەۋمەتتانۋ كافەدراسىندا اسسيستەنت، اعا وقىتۋشى، دوتسەنت. 1992 جىلدان كوممەرتسيالىق قۇرىلىمداردا باسشىلىق جۇمىستاردا بولدى. 1998 جىلدان - جامبىل وبلىسى اكىمىنىڭ ورىنباسارى. 1999 جىلدان - قر شاعىن بيزنەستى قولداۋ اگەنتتىگى توراعاسىنىڭ ورىنباسارى. 2000 جىلدان - «شاعىن كاسىپكەرلىكتى دامىتۋ قورى» جاق باسقارما توراعاسى. 2001 جىلدان قر تابيعي مونوپوليالاردى رەتتەۋ، باسەكەلەستىكتى قورعاۋ جانە شاعىن بيزنەستى قولداۋ اگەنتتىگى توراعاسىنىڭ ءبىرىنشى ورىنباسارى. 2004 جىلدان - قر تابيعي مونوپوليالاردى رەتتەۋ اگەنتتىگىنىڭ توراعاسى. 2007 جىلدان – قر پرەمەر-ءمينيسترى كەڭسەسىنىڭ باسشىسى. 2008 جىلدان – پاۆلودار وبلىسىنىڭ اكىمى. 2012 جىلعى قاڭتاردان قىركۇيەككە دەيىن – قر ەكونوميكالىق دامۋ جانە ساۋدا ءمينيسترى. 2012-2013 جىلدارى - «Nur Otan» پارتياسى توراعاسىنىڭ ءبىرىنشى ورىنباسارى قىزمەتتەرىن اتقارعان. 2013-2016 جىلدارى – قر پرەمەر-ءمينيسترىنىڭ ءبىرىنشى ورىنباسارى قىزمەتىن اتقاردى. 2016-2019 جىلدارى – قر پرەمەر-ءمينيسترى. 2019 جىلدىڭ 24 ناۋرىزىنان وسى ۋاقىتقا دەيىن قر پرەزيدەنتى اكىمشىلىگىنىڭ باسشىسى بولدى.  «قۇرمەت» وردەنىمەن، «قازاقستان رەسپۋبليكاسىنىڭ تاۋەلسiزدiگiنە 10 جىل» (2001), «قازاقستان كونستيتۋتسياسىنا 10 جىل» (2005), «قازاقستان پارلامەنتiنە 10 جىل» (2006), «استانانىڭ 10 جىلدىعى» (2008) مەدالدارىمەن ماراپاتتالعان.

سوڭعى جاڭالىقتار