25 ماۋسىم 2019, 17:22 1838 0 ادەبيەت "تۇركىستان" گازەتىنىڭ اۆتورلارى

ءوزىن-ءوزى جەتىلدىرۋگە ارنالعان ەڭ ۇزدىك كىتاپتار

" وقىپ بولعان سوڭ بۇرىن نەعىپ وقىماعانمىن" دەپ ويلايسىز...  ەگەر كۇن سايىن ارتىق 20 مينۋت ۋاقىتىڭىز بولسا، 1 اپتادان كەيىن بۇل كىتاپ ءومىرىڭىزدى وزگەرتەدى.

الەكس نوۆاك. "بار بولسا دا جوق كىتاپ"

بۇل شىعارما - ءوز ءومىرىڭدى باسقارۋداعى " اسپاپتار جاشىگى" دەسە دە بولادى. ءسىز سول كەڭەستەردەن كەيىن جارقىن ماقساتتارىڭىزعا ناقتى قادامدار جاساپ، ەڭ باستىسى سول قادامدى ومىرىڭىزگە ەنگىزەسىز.  كىتاپتا تەوريالار، مىسالدار، ولاردى تاجىريبەدە ورىنداۋعا ناقتى نۇسقاۋلار كەلتىرىلگەن. كىتاپتىڭ ءتىلى جاتىق، سوزدەرى تۇسىنىكتى، تۇسىنىكسىز تەرميندەر جوق.

بۇل كىتاپتى نەگە وقۋ كەرەك ؟  جەلىدە 2014 جىلدىڭ جەلتوقسان ايىندا پايدا بولعان بۇل كىتاپ جارىلعان بومباداي اسەر قالدىردى. ءبىر جارىم ايدىڭ ىشىندە سايتتا 100 مىڭنان استام وقىرمان قاراعان.  كىتاپ ءار ءتۇرلى پىكىرتالاستار تۋدىرىپ، حيت-پارادتارعا ءىلىنىپ، باسپا نازارىنا ءتۇستى. اۆتور الەكس نوۆاك كىتاپتىڭ قاعازداعى نۇسقاسىن شىعارۋ تۋرالى ۇسىنىستار الدى. "پيتەر" باسپاسىمەن 2014 جىلى كەلىسىمشارت جاسالىپ، "بار بولسا دا، جوق كىتاپ" دۇكەن سورەلەرىنە 2015 جىلدىڭ ءساۋىر ايىندا جول تارتتى.

2.نيك ۆۋينيچ. "شەتسىز - شەكسىز ءومىر".

نيك ۆۋينيچ ومىرگە قولى مەن اياعى جوق بولىپ كەلدى. سوندا دا تاۋەلسىز، تولىققاندى ءومىر سۇرۋدە. ەكى جوعارى ءبىلىمى بار، كومپيۋتەردە مينۋتىنا 43 ءسوز تەرەدى، سەرفينگپەن، بالىق اۋلاۋمەن، جۇزۋمەن اينالىسادى، ءتىپتى ترامپليننەن سەكىرۋدى دە ۇناتادى. ونىڭ كىتابى - قيىندىقتى جانە ومىردەن تۇڭىلگەن كەزدە جەڭۋگە دەگەن تالپىنىس تۋدىراتىن شىعارما. وزىڭە سەنىپ، باقىتتى بولۋعا ارەكەت ەتۋدى ناسيحاتتايدى. نيك ءوزىنىڭ فيزيكالىق جاعدايى مەن ۋايىمدارى جايلى اشىق باياندايدى، ءوزىنىڭ مۇگەدەكتىگىنە كوندىگۋ اۋىر بولعانىن، وزىنە قول جۇمساماق بولعان كەزدەرى بولعانىن جاسىرمايدى. ءوز ماسەلەلەرىندە بوگەت ەمەس، الدىعا ۇلكەن ماقسات قويىپ، قالاعانىنا قول جەتكىزۋ مۇمكىندىگىن كورىپ ۇيرەنۋگە از ۋاقىت جۇمساعان جوق .  قول-اياعى بولماسا دا ول كوتەرىلە الدى. ءوز كىتابىندا ول وزىنە كومەكتەسكەن ءومىر ءسۇرۋدىڭ ەرەجەلەرىن وقىرماندارىمەن بولىسەدى.

3.يتسحاك پينتوسەۆيچ ء"ومىر ءسۇر!" 

بۇل كىتاپ- سوڭعى ۋاقىتتاعى مەديتسينا، فيزيولوگيا جانە پسيحولوگيا سالالارىنداعى جاڭالىقتار مەن وليمپيادا سپورتشىلارىن دايىنداۋ قۇپيالارىنىڭ سينتەزى. اۆتور يتسحاك پينتوسەۆيچ بۇرىن الەمدىك دەڭگەيدەگى كاسىبي سپورتسمەن، جاتتىقتىرۋشى، كاسىپكەر ادام. بۇل كىسى كوپ ۋاقىتىن جۇمىستا وتكىزىپ، ماقساتتارىنا جەتۋگە ۇمتىلعان، بىراق جۇمىس گرافيكتەرىن وزگەرتۋگە قۇلىقسىز ادامدارعا ارنالعان ەرەكشە باعدارلاما جاساپ شىعاردى. باعدارلاما ماقساتى - ولاردى بۇزىلۋدان، اۋرۋلار مەن كۇيزەلىستەردەن قۇتقارۋ. وسى باعدارلاما اياسىندا قۋاتتىلىق دەڭگەيىن كوتەرىپ، دەنساۋلىقتى جاقسارتىپ، تىرشىلىكتە تابىستىڭ جوعارى دەڭگەيىنە جەتۋگە بولادى.

4.يگور مانن.ء"بىرىنشى".

ادامنىڭ العا ۇمتىلۋىن كورسەتەتىن "مەن ءوزىمدى بەس جىلدان كەيىن قالاي ەلەستەتەمىن" دەگەن تانىمال جاتتىعۋ بار.  كوپشىلىك ادامدار ءبىرىنشى بولعىم كەلەدى، سالامنىڭ بەتكە ۇستارى بولسام دەيدى، بىراق بەرىلگەن ۋاقىت ارالىعىندا تاڭدالعان ماقساتتا بىردەڭە تىندىراتىندار از. تەك قولعا الىنعان ءىس ارەكەت قانا تۇلعانىڭ ناقتى ماسشتابىن كورسەتەدى. ءوزىڭدى ءوزىڭ جاساۋ وڭاي ەمەس: ناتيجەگە كوپ جاعداي ىقپال ەتەدى. بارلىعى سياقتى، جوسپارعا سايكەس قيمىلداۋ كەرەك. بۇل كىتاپ سونداي جوسپار ۇسىنادى. ونى وزىڭىزگە قاراي بۇرىپ، وزگەرتۋگە بولادى

5.دجوش ۆايتسكين. " وقۋ ونەرى".

بۇل دجوشۋا ۆايتسكيننىڭ اۆتورلىق ءومىربايانى. ول 9 جاسىندا شاحماتتان ۇلتتىق چەمپيوناتتى جەڭىپ العان جانە 28 جاسىندا تايتسزي جەكپە-جەك ونەرىنەن چەمپيون بولعان. ەكى ءتۇرلى سپورتتان مۇنداي ناتيجەنە قالاي قول جەتكىزدى؟ دجوشۋا ءوزىن شاحماتتان نەمەسە تايتسزيدەن مىقتىمىن دەپ ەسەپتەمەيدى. ول " مەن وقىپ ۇيرەنۋدە مىقتىمىن " دەيدى. كىتاپتا ول ءوز حيكاياسىمەن بايانداپ، شىڭعا ەكى رەت كوتەرىلۋگە مۇمكىندىك بەرگەن وقۋ پرينتسيپتەرىمەن بولىسەدى. بۇل جاي عانا حيكايا ەمەس، بۇل كەز-كەلگەن جەتىستىك ، چەمپيوندىق دەڭگەيدە بولسىن، تۋا بىتكەن تالانتپەن ەمەس، دۇرىس ءومىر ءسۇرۋ مەن دۇرىس داعدىلارمەن پسيحولوگيالىق دايىندىق ارقاسىندا كەلەتىنىن دالەلدەيتىن شىعارما.

جاراس نۇربولۇلى

سوڭعى جاڭالىقتار