25 ماۋسىم 2019, 15:47 800 0 ادەبيەت "تۇركىستان" گازەتىنىڭ اۆتورلارى

عيبراتتى اڭگىمە

باياعىدا تاۋدىڭ قياسىن مەكەندەگەن ءبىر ەرەكشە قاسيەتتى قىران قۇس ءومىر ءسۇرىپتى. وزگەلەرگە ورلىگىمەن ونەگە بولعان الگى بۇركىت ءبىر جىلى ومىرىندە ءبىرىنشى رەت ءۇش بالاپان باسىپ شىعارىپتى. بالاپانداردىڭ قاناتى قاتايىپ، ۇياسىنان ۇشىپ شىعۋىنا از ۋاقىت قالعاندا  بۇركىت  ءۇش بالاپانىن ۋىسىنا قىسىپ، تەڭىز توسىنە الىپ شىعىپتى. ۇشىپ كەلە جاتقان ول، وزىندىك ومىرگە قانات قاققالى تۇرعان بالاپاندارىنان سوڭعى رەت سىناق الىپ، بىلاي دەپ سۇراپتى:

-قاناتتىعا قاقتىرماي، تۇمسىقتىعا شوقتىرماي، ماپەلەپ باعىپ قاققانىمدى جاقسى بىلەسىڭدەر. ەرتەڭ وسكەسىن، وسىنىڭ وتەۋى رەتىندە ماعان قانداي جاقسىلىق جاسايسىڭدار؟

ءبىرىنشىسى ايتىپتى: - اناشىم، سەنىڭ اق ءسۇتىندى اقتاۋ ءۇشىن قولىمنان كەلگەنىن بارلىعىن جاسايمىن. مەن سەنى ءومىر بويى قاناتىما ارقالاپ، الىپ جۇرەمىن. دۇنيەنىڭ ءتورت بۇرىشىن ارالاتام، تاڭعاجايىپ تاماشالارادى كورەتىن بولاسىڭ،- دەپتى. سوندا بۇركىت باسىن شايقاپ ۋىسىنداعى بالاپانىڭ تەڭىزگە تاستاپ جىبەرىپتى.

سوسىن ەكىنشىسىنە بۇرىلىپ: ­– ال سەن نە ايتاسىڭ؟

ەكىنشىسى ايتىپتى: – اناشىم، مەن سەنى ەل ارالاتىپ بوسقا اۋرە قىلمايمىن. عالامنىڭ بارلىق كەرەمەتىن الدىنا اكەلىپ بەرەمىن. ىشكەنىڭ الدىندا، ىشپەگەنىڭ ارتىندا بولادى،- دەپتى. بۇركىت تاعىدا باسىن شايقاپ، ەكىنشى بالاپانىن سۋ تۇنعيىعىنا تاستاپ جىبەرەدى.

ءۇشىنشى بالاپانىنا بۇرىلىپ، جارقىنشاق تولى داۋىسپەن بىلاي دەپتى: –ال،سەن قالاي جارىلقاماقسىڭ؟

سوندا ءۇشىنشى بالاپان بىلاي ءۇن قاتىپتى: –اناشىم، وتىرىك قانشا ءتاتتى بولسا دا، ساعان اششى اقيقاتتى اقتارماسقا امالىم جوق. ماعان جاساعان جاقسىلىعىننىڭ شەتى دە، شەگى دە جوق ەكەنىن، ونى وتەۋگە بۇكىل عۇمىرىمدى ارناسامدا جەتپەيتىنىن جاقسى بىلەمىن. دەگەنمەن، مەنىڭ ءومىرىم سەنى الەمدى ارالاتۋعا دا، ساڭ ءتۇرلى عالاماتتاردى الدىڭا الىپ كەلۋگە دە، ارنالمايتىنىن ايتقىم كەلەدى. مەن سەنىڭ ماعان جاساعان جاقسىلىقتارىندى ءوز بالاپاندارىما جاساۋ ءۇشىن ءومىر سۇرەتىن بولامىن.

كارى بۇركىت سوندا عانا كوكىرەك كەرە تەرەڭ دەم الىپ: – ءبىزدىڭ اۋلەت اماناتىن العا اپارار، قىران دەگەن اتقا لايىق بولا الار ۇرپاق تۋىلعانىنا كوزىم ەندى جەتتى،-دەگەن ەكەن.

جاراس نۇربولۇلى

سوڭعى جاڭالىقتار