19 ماۋسىم, 11:06 1125 0 بيزنەس ماقسات قۇسايىنوۆ

قازاقستاندىق كومپانيا العاش رەت «كانن ارىستاندارى» فينالىنا شىقتى

Forte Femme جارنامالىق كومپانياسىمەن ForteBank الەمدەگى ەڭ بەدەلدى «كانن ارىستاندارى» (Cannes Lions) جارنامالىق فەستيۆالىنىڭ Media Lions نوميناتسياسى بويىنشا فينالىنا شىقتى. بۇل – فەستيۆال تاريحىندا الەمدىك دەڭگەيدە تانىلعان ەلىمىزدىڭ العاشقى جوباسى.

جارنامالىق كامپانيا ىسكەر ايەلدەردىڭ ەل ەكونوميكاسىنا قوسقان ۇلەسىن كورسەتەدى. ستاتيستيكاعا سۇيەنسەك، ايەلدەردىڭ تابىسى قازاقستاننىڭ ءىجو-ءنىڭ 39,5 %-ىن قۇراسا، ەلىمىزدەگى شاعىن جانە ورتا بيزنەس وكىلدەرىنىڭ 43 %-ى، ال جەكە كاسىپكەرلەردىڭ 52 %-ى بۇرىمدىلاردىڭ ەنشىسىندە ەكەن.

سالا ماماندارىنىڭ ايتۋىنشا، ForteBank ءوزىنىڭ جارنامالىق كومپانياسى ارقىلى ايەلدەردى ءوز ءىسىن اشۋعا جانە ونى دامىتۋعا شابىتتاندىرۋعا ۇمتىلادى. ForteBank "بيزنەس – بۇل ايەلدىڭ دە ءىسى" اتتى جوباسى شەڭبەرىندە Forte pour Femme – "مىقتى ايەل" حوش ءيىستى سۋىن شىعاردى. اتالعان ءونىم كاسىپكەرلىكتەگى حانىمداردىڭ تابىستارىن، جەتىستىكتەرى مەن جەڭىستەرىن بەينەلەيدى.

ايتا كەتەيىك، اقپان ايىنىڭ سوڭعى اپتاسىندا ول حوش ءيىستى سۋدى بيزنەستەگى ايەلدەردىڭ قاراجاتىمەن ForteBank بانكوماتتارى مەن كاسسالارى ارقىلى اينالىمعا شىعاردى. Forte pour Femme ءپارفيۋمى الەۋمەتتىك جەلىلەردە كەڭىنەن تالقىلانعانىن دا ايتا كەتكەنىمىز ءجون. بۇل جوباعا ايەلدەر جەتەكشىلىك ەتەتىن تانىمال قازاقستاندىق برەندتەر دە اتسالىستى.

ForteBank-ءتىڭ تانىمال روليك-مانيفەستىنىڭ كەيىپكەرلەرى ايگىلى ايەل كاسىپكەرلەر بولدى. ولاردى اتاپ ايتساق، چينارا بۋگيمباەۆا، "قاعانات" اسحانالار جەلىسىنىڭ نەگىزىن قالاۋشى; زينايدا پاك، TAKITA ماركەتينگتىك اگەنتتىگىنىڭ نەگىزىن قالاۋشى; اناستاسيا لەونوۆا، FILO پاندىك ديزاين ستۋدياسىنىڭ نەگىزىن قالاۋشى; يننا اپەنكو، Mimioriki بالالار كيىمدەرى برەندىنىڭ نەگىزىن قالاۋشى; سانيا يلياسوۆا، Saniya Ilyassova سۇلۋلىق سالوندارى جەلىسىنىڭ نەگىزىن قالاۋشى; كيرا مايشەۆا، رentatonica كيىم برەندىنىڭ نەگىزىن قالاۋشى; دينارا ءساتجان، Dinara Satzhan Fashion Group كومپانياسىنىڭ ساندىك پروديۋسەرى جانە يەسى، نازىم جانعازينوۆا، ARDA Football بالالار فۋتبول مەكتەبىنىڭ نەگىزىن قالاۋشى; اقمارال باسيروۆا، "اق الەم" كلينينگتىك كومپانياسىنىڭ نەگىزىن قالاۋشى، ارۋجان ساين، "ارۋجان ي كو" پروديۋسەرلىك ورتالىعىنىڭ نەگىزىن قالاۋشى، مەرەي مۇستافينا، PIPL كونسالتينگ بيۋروسىنىڭ نەگىزىن قالاۋشى، ايالا قوناقباەۆا، SK Boxing بوكس مەكتەپتەرى جەلىسىنىڭ نەگىزىن قالاۋشى.

جارنامالىق ناۋقاننىڭ بەينەروليگى مىنا سىلتەمە بويىنشا قول جەتىمدى:

جارنامالىق ناۋقاندى ىسكە اسىرۋ تۋرالى بەينەروليكتى مىنا سىلتەمە بويىنشا كورۋگە بولادى:

سوڭعى جاڭالىقتار