3 ماۋسىم 2019, 17:00 920 0 قوعام دينارا مىڭجاسارقىزى

توقاەۆ جۇمىس ساپارىمەن جامبىل وبلىسىنا كەلدى

قازاقستان پرەزيدەنتى قاسىم-جومارت توقاەۆ جۇمىس ساپارىمەن جامبىل وبلىسىنا كەلدى. «قازاقستان پرەزيدەنتى قاسىم-جومارت توقاەۆ جۇمىس ساپارىمەن جامبىل وبلىسىنا كەلدى. تاراز قالاسىندا ءوندىرىس جانە مادەني ورىنداردا بولىپ، وبلىس جۇرتشىلىعىمەن، ەڭبەك ۇجىمدارىمەن، جاستارمەن كەزدەسۋى جوسپارلانعان»، - دەپ جازدى مەملەكەت باسشىسىنىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا.

قازاقستان پرەزيدەنتى قاسىم-جومارت توقاەۆ جامبىل وبلىسىنىڭ جۇرتشىلىعىمەن كەزدەسۋى بارىسىندا مال ۇرلىعىمەن كۇرەستى كۇشەيتۋ قاجەتتىگىنە نازار اۋداردى. بۇل جايىندا قر پرەزيدەنتىنىڭ ءباسپاسوز حاتشىسى بەرىك ءۋالي فەيسبۋكتەگى پاراقشاسىندا جازدى.

جامبىلداعى تاريحي ورىندار - حالقىمىز ءۇشىن ورتاق مادەني قۇندىلىقتار قر پرەزيدەنتى رەسەي قاۋىپسىزدىك كەڭەسىنىڭ حاتشىسىمەن كەزدەستى قازاقستان پرەزيدەنتى باس پروكۋراتۋرا الدىنا بىرقاتار مىندەتتەر قويدى «وبلىستاعى قىلمىس كولەمىن ازايتۋ كەرەك. قازاق امانداسقاندا «مال-جان امان با؟» دەپ ءجون سۇراسقان. دەگەنمەن، سوڭعى كەزدە قوراداعى مالىن تاپپاي قالاتىن ازاماتتار كوبەيىپ بارادى. وتكەن جىلى ەلىمىزدە 5,5 مىڭ مال ۇرلىعى تىركەلگەن. ۇرلىق جاقسىلىققا اپارمايدى! بۇعان تىيىم سالۋ كەرەك! ادال ەڭبەك ەتىپ، كۇنىن كورىپ وتىرعان مالشىلاردى قورعاۋىمىز قاجەت! زاڭدى قاتايتىپ، قىلمىسكەرلەردى سىبايلاستارىمەن قوسىپ، قاتاڭ جازالاۋ كەرەك»، - دەپ اتاپ وتەدى مەملەكەت باسشىسى.

قر پرەزيدەنتى ەلىمىزدىڭ ىشكى ىستەر مينيسترلىگى قىزمەتكەرلەرىمەن كەزدەسۋدە وسى ماسەلەگە قاتىستى ناقتى تاپسىرمالار بەرگەنىن، سوندىقتان، اكىمدىكتەر مەن جەرگىلىكتى پوليتسيا بارىمتاعا قارسى شۇعىل شارالار قابىلداۋى تيىستىگىن باسا ايتتى. «قىلمىستىق كودەكسكە ءتيىستى وزگەرتۋلەر ەنگىزۋ قاجەت. پارلامەنت دەپۋتاتتارى وسى باستامانى قولداپ، ماسەلەنىڭ وڭ شەشىم تابۋىنا اتسالىسادى دەپ سەنەمىن»، - دەپ اتاپ ءوتىت قاسىم-جومارت توقاەۆ. مەملەكەت باسشىسى وبلىستاعى كەلەسى وتكىر ماسەلە - ەسىرتكى قىلمىسىنىڭ ۋشىعۋى ەكەندىگىنە نازار اۋدارتتى. «بۇل - بۇكىل قوعامدى الاڭداتقان وزەكتى ماسەلە. وكىنىشكە قاراي، قازىرگى وزىق تەحنولوگيا دامىعان زاماندا «ەسىرتكى بيزنەسىنىڭ» داۋرەنى ءجۇرىپ تۇر. ەسىرتكى ساتاتىن «استىرتىن» جارنامالار قاپتاپ كەتتى. ءتىپتى، ارنايى سايتتار اشىلعان. بۇل، ەڭ الدىمەن، جاستاردىڭ ساناسىن جانە دەنساۋلىعىن ۋلايتىن كەسەل.  مۇنى توقتاتۋ قاجەت! جول بەرمەۋ كەرەك! زاڭ جۇزىندە توسقاۋىل قويۋىمىز اسا ماڭىزدى! ەسىرتكى ساتۋدى كاسىپكە اينالدىرعان قىلمىسكەرلەر قاتاڭ جازالانۋى كەرەك!  پوليتسيا قىزمەتكەرلەرىنە وسى ماسەلە بويىنشا شۇعىل شارالار قابىلداۋدى تاپسىرامىن»، - دەدى ق.توقاەۆ.

سوڭعى جاڭالىقتار