31 مامىر 2019, 15:46 587 0 قاۋىپسىزدىك Túrkistan Gazeti

اسكەريلەر مىنگەن تىكۇشاق اپاتقا ۇشىرادى

ۋكراينادا بولعان اپات ەلدىڭ قابىرعاسىن قايىستىرعانداي. 30 مامىر لۆوۆ وبلىسىندا ازا تۇتۋ كۇنى بولىپ جاريالاندى. ەلدىڭ مەملەكەتتىك تەرگەۋ بيۋروسى اپاتقا نە سەبەپ بولعانىن انىقتاۋدا

روۆەنسكايا وبلىسىندا مي-8 تىكۇشاعى اپاتقا ۇشىراپ، اسكەريلەر قازا بولدى. قايعىلى وقيعادان كەيىن لۆوۆ وبلىسىندا ازا تۇتۋ كۇنى جاريالاندى، دەپ حابارلايدى ريا نوۆوستي لۆوۆ وبلىستىق اكىمشىلىگىنە سىلتەمە جاساپ.

تىكۇشاقتىڭ اپاتقا ۇشىراعانى تۋرالى ۋكراينا قۇرلىق اسكەرلەرىنىڭ وكىلدەرى حابارلادى.

"اۋە اپاتى سالدارىنان ۋكراينا قارۋلى كۇشتەرى قۇرلىق اسكەرلەرى ارميالىق اۆياتسياسى 16-شى جەكەلەگەن بريگاداسىنىڭ كومانديرىمەن بىرگە ەكيپاجدىڭ ءتورت مۇشەسى مەرت بولدى", - دەلىنگەن حابارلامادا.

اۋە اپاتىنىڭ سەبەپتەرى انىقتالىپ جاتىر، دەدى قۇرلىق اسكەرلەرىنىڭ وكىلدەرى.

ۋكراينانىڭ مەملەكەتتىك تەرگەۋ بيۋروسى وقيعانى تەرگەپ-تەكسەرۋ شارالارىن جۇرگىزىپ جاتىر.

اپاتقا نە سەبەپ بولعانى ازىرگە بەلگىسىز.

 

سوڭعى جاڭالىقتار