25 ءساۋىر 2019, 11:44 1766 0 دەنساۋلىق ماقسات قۇسايىنوۆ

اسكەر مەن باق اراسىندا ويىن ءوتتى

2019 جىلدىڭ 23 ساۋىرىندە  قۇرلىق اسكەرلەرى اسكەري ينستيتۋتىنىڭ وقۋ ورتالىعىندا الماتى قالاسىنىڭ بۇقارالىق اقپارات قۇرالدارى وكىلدەرىمەن  اسكەريلەندىرىلگەن كۆەست (اسكەري-سپورتتىق ويىن) وتكىزىلدى.

ءىس-شارانىڭ ماقساتى – قازاقستان رەسپۋبليكاسى قارۋلى كۇشتەرىنىڭ  ءيميدجىن ارتتىرۋ، سالاۋاتتى ءومىر سالتىن جانە بەلسەندى دەمالىستى ناسيحاتتاۋ. ەگەمەندى ەلىمىزدىڭ ايبىندى ارمياسىنىڭ جەتىستىكتەرىن ناسيحاتتاۋ.

كۆەست باعدارلاماسى 3 كەزەڭنەن تۇردى: 1-ءشى كەزەڭ. قا ءاي وقۋ ورتالىعىمەن تانىستىرۋ، كۋرسانتتاردىڭ اتۋ دايىندىعى بويىنشا پراكتيكالىق ساباقتارىن كورسەتۋ، ت-72 تانك قارۋ-جاراعىنان شتاتتىق سناريادپەن اتۋ، ۆزۆودتىڭ جاۋىنگەرلىك اتۋ جاتتىعۋلارىن كورسەتۋ.

2-ءشى كەزەڭ: جۋرناليستەر اراسىندا اسكەري-سپورتتىق ويىن-ەستافەتاسىن وتكىزۋ. اسكەري-سپورتتىق ويىن-ەستافەتاسى كەلەسى جارىس تۇرلەرىنەن تۇرادى: تاكتيكالىق سۇراقتاردى شەشۋ، كارتالارمەن جۇمىس جاساۋ، سونىمەن قاتار  جىلدامدىق قوزعالىسىن، بۇزىلعان باسپالداقتى، قابىرعانى، ءلابيرينتتى ءوتۋ، وق-دارىلەرمەن جاشىكتى كوتەرىپ جارعا ءتۇسۋ،  سىمدى كەدەرگىلەردەن ءوتۋ، گراناتا لاقتىرۋ، جاقج-دى ۋاقىتقا كيىپ ۇلگەرۋ، اتۋ قارۋ-جاراعىنان پراكتيكالىق سىناق تاپسىرۋ جانە ودان دا قىزىقتى سايىستار ۇيىمداستىرىلعان. ەڭ قاجەتتىلىگى كوماندالىق رۋح جانە بارلىق ۇجىمنىڭ ۇيىمشىلدىعى.

3-كەزەڭ: اۆتومات اك-74-تەن اتۋ جانە جاۋىنگەرلىك ماشينانى جۇرگىزۋ.

ويىننىڭ قورىتىندىسى بويىنشا ۇزدىك كوماندالار انىقتالدى:1 ورىن «تۇركىستان» گازەتى جانە "حابار 24" تەلەكانالى مەن "ەۋرازيا" تەلەكانالدارىنىڭ جۋرناليستەرىنەن قۇرالعان "قاسقىر" كومانداسى. 2-ءشى ورىن "كازسپورت" كومانداسى، 3-ءشى ورىن "ۇلان" گازەتىنىڭ كومانداسى. جەڭىمپازداردى ارنايى گراموتامەن قۇرلىق اسكەرلەرىنىڭ اسكەري ينستيتۋت باستىعىنىڭ تاربيە جانە يدەولوگيالىق جۇمىستار جونىندەگى ورىنباسارى پولكوۆنيك  جۇمابەك حاسەنوۆ ديپلومد جانە سىيلىقتارمەن  ماراپاتتادى.

سوڭعى جاڭالىقتار