22 ءساۋىر 2019, 13:07 1861 0 سپورت ماقسات قۇسايىنوۆ

الماتى. مارافون-2019

الماتىدا ورتالىق ازياداعى ەڭ اۋقىمدى مارافون ءوتتى. وسىمەن 8-رەت وتكىزىلگەن شاراعا بيىل 17 مىڭ ادام قاتىستى، ونىڭ 2 مىڭعا جۋىعى 53 ەلدەن كەلگەن سپورتشى مەن مەيماندار. مارافون تاڭعى ساعات سەگىزدە باستالدى. الدىمەن، 3 شاقىرىم قاشىقتىقتا 10-14 جاس ارالىعىنداعى بالالار جارىستى. ودان كەيىن 10, 21, 42 شاقىرىمدىق سايىس ءوتتى. ال تۇسكە تامان نەگىزگى 42 شاقىرىمدىق جارىس اياقتالدى. بۇل قاشىقتىقتا بيىل وزبەكستاندىق زىكىرلو ماماتقۇلوۆ جەڭىمپاز اتاندى. ايتا كەتەرلىگى، مارافونعا ەگدە جاستاعى ازاماتتار دا كوپتەپ قاتىسقان. جالپى بۇل سپورتتىق ءارى قايىرىمدىلىق شاراعا قاتىسۋ اقىلى. ەڭ ۇزاق قاشىقتىق، ياعني 42 شاقىرىمعا جۇگىرۋشىلەر مارافون قورىنا 10 مىڭ تەڭگە تولەۋى ءتيىس. جينالعان قارجى №15 مەكتەپ-ينتەرناتىنا سپورت كەشەنىن سالۋعا جانە سال اۋرۋىنا شالدىققان بالالاردى ساۋىقتىرۋعا جۇمسالادى.

فوتورەپورتاج: ماقسات قۇسايىنوۆ

سوڭعى جاڭالىقتار