17 ءساۋىر 2019, 10:47 933 0 ءبىلىم Túrkistan Gazeti

مۇعالىم وقۋشىنى ۇرعان دەپ ايىپتالۋدا

17 ءcاۋىر – «TÚRKISTAN» weekly. اقتوبەدەگى №45 ورتا مەكتەپ مۇعالىمى ارايلىم ەلدەسوۆاعا قاتىستى تەرگەۋ باستالدى. وقۋشى باس-مي جاراقاتىمەن اۋرۋحانادا ەم قابىلداپ جاتىر. 

اقتوبە پوليتسياسى مۇعالىمدى تەرگەۋگە الدى. ءىستىڭ ءمان-جايى ءالى بەلگىسىز.

«10-ساۋىردە اقتوبە قالاسى الماتى اۋدانىنىڭ №4 پوليتسيا بولىمىنە باستاۋىش سىنىپ مۇعالىمىنىڭ 1سىنىپ وقۋشىسىنا دەنە جاراقاتىن كەلتىرگەنى تۋرالى اتا-اناسىنىڭ شاعىمى ءتۇستى. اقتوبە مەديتسينا ورتالىعىنىڭ بالالار ستاتسيونارىندا كامەلەتكە تولماعان بالاعا «جابىق باس-مي جاراقاتى، باس ميىنىڭ شايقالۋى» دياگنوزى قويىلعان.

وسى دەرەك بويىنشا قازاقستان رەسپۋبليكاسى قىلمىستىق كودەكسىنىڭ 140-بابى 2-تارماعى، ياعني، «كامەلەتكە تولماعان ادامدى تاربيەلەۋ جونىندەگى مىندەتتەردى ورىنداماۋ» بابى بويىنشا سوتالدى تەرگەۋ-تەكسەرۋ شارالارى جۇرگىزىلىپ جاتىر»، - دەپ حابارلادى وبلىستىق پد ءباسپاسوز قىزمەتى. وقۋشى ەم قابىلداپ جاتىر، ال مۇعالىمدى جۇمىس توبى باقىلاۋعا الدى.

«11 ءساۋىر كۇنى 1 سىنىپ وقۋشىسىنىڭ اجەسى نەمەرەسىن ۇستازى 1 ساعات 45 مينۋت ۇردى دەپ ارىز ءتۇسىردى. ارىزدان سوڭ مەكتەپ ىشىندە جۇمىس توبى قۇرىلىپ، تەكسەرۋ ءجۇردى. سىنىپ جەتەكشىسى ارايلىم ەلدەسوۆانىڭ تۇسىنىكتەمەسى الىندى. ول وقۋشىعا قول كوتەرمەگەنىن ايتتى.

11-16 ءساۋىر ارالىعىندا اتا-انالار بالالارىنىڭ ساباعىنا قاتىستى. پوليتسيا دا بالالار مەن اتا-انالاردى قاتار وتىرعىزىپ، تۇسىنىكتەمە الدى»، - دەدى مەكتەپ ديرەكتورى الماگۇل ەشماعامبەتوۆا.

كەتەيىك، اتا-انا جاس مامان ارايلىم ەلدەسوۆانى جۇمىستان شىعارۋعا تالاپ قويعان. ال مۇعالىم ءوزىنىڭ وقۋشىعا قول كوتەرمەگەنىن ايتتى.

«وقۋشىنى قىركۇيەكتەن باستاپ الىپ، ساباق بەرىپ كەلەمىن. وقۋ ۇلگەرىمىن جامان دەپ ايتا المايمىن. مەن ۇرعان جوقپىن، نەگە بۇلاي ايتقانىن بىلمەيمىن»، -دەدى ا.ەلدەسوۆا

سوڭعى جاڭالىقتار