15 ءساۋىر 2019, 18:24 783 0 ايماق Túrkistan Gazeti

قارجى قىزمەتكەرلەرى 500 ءتۇپ تال كوشەتىن وتىرعىزدى

بۇگىن ForteBank قىزمەتكەرلەرى مەن ولاردىڭ وتباسىلارى پاۆلودار قالاسىنىڭ ۋسولكا شاعىن اۋدانىندا جاس اعاشتار وتىرعىزا باستادى.

بۇل ساۋاپتى ءىس وبلىستا 13 ساۋىردە باستالعان اۋماقتى كوگالداندىرۋ، ەلدى-مەكەندەردى سانيتارلىق تازالاۋ جانە اباتتاندىرۋ ايلىعى شەڭبەرىندە ۇيىمداستىرىلۋدا.

"پاۆلودار – ForteBank ءۇشىن ماڭىزدى ايماق. ءبىز ەكونوميكانى جانە حالىقتى بەلسەندى تۇردە نەسيەلەندىرەمىز، جەرگىلىكتى بيزنەستى دامىتۋعا بارىنشا كومەكتەسەمىز. سونىمەن قاتار بانك ءۇشىن جەكە كاسىپكەرلىكتى الەۋمەتتىك جاعىنان قامسىزداندىرۋ مەن قالا ومىرىنە جاناشىرلىقپەن ارالاسۋ زور مارتەبە. سوندىقتان دا ءبىز قالا اۋماعىنا 500 ءتۇپ اعاش كوشەتىن وتىرعىزۋ جانە وبلىس اكىمدىگىنىڭ باستاماسىن جوعارى دەڭگەيدە قولداۋ تۋرالى شەشىم قابىلدادىق", – دەپ اتاپ ءوتتى ForteBank باسقارماسىنىڭ توراعاسى گۋرام اندرونيكاشۆيلي.

اعاش وتىرعىزۋعا ForteBank-ءتىڭ 60 قىزمەتكەرى جانە ولاردىڭ وتباسى مۇشەلەرى قاتىستى. قارجى سالاسىنىڭ قىزمەتكەرلەرى ۋسولكا شاعىن اۋدانىنداعى اۋماقتى قوقىستان تازارتىپ، تال كوشەتتەرىن ەكتى. ونىڭ تەحنولوگياسىن ساقتاۋعا بانك باسشىلىعى تارتقان كوگالداندىرۋ بويىنشا مەردىگەر كومپانيالاردىڭ بىلىكتى ماماندارى كومەكتەستى.

وتىرعىزىلاتىن 500 ءتۇپ اعاشتىڭ ىشىندە 60 ءتۇپ كوگىلدىر شىرشا، 260 ءتۇپ جاسىل شىرشا، 60 تەرەك، 60 قايىڭ جانە 60 ءتۇپ شاعان تالى بار. ال كوگالداندىرۋعا بولىنگەن اۋماققا ونىڭ 247-ءىن عانا ورنالاستىرۋعا مۇمكىندىك تۋدى. ForteBank قىزمەتكەرلەرى قالعان كوشەتتەردى "دەنساۋلىق" سكۆەرىندەگى فيليال عيماراتىنىڭ قۇرىلىسى اۋماعىنا ەگەدى، ونىڭ جەردەن 52 ەسكى اعاش جويىلادى.

دايىنداعان: اسحات رايقۇل

سوڭعى جاڭالىقتار