15 ءساۋىر 2019, 10:41 811 0 مەملەكەتتىك باعدارلامالار Túrkistan Gazeti

ديماش وزبەك دالاسىن انگە بولەيدى

15 ءcاۋىر – «TÚRKISTAN» weekly. بۇگىن تاشكەنت قالاسىندا قازاق ونەرپازدارى ونەر كورسەتەدى. وڭتۇستىكتەگى كورشىلەرىمىز ءۇشىن وتانداسىمىز ديماش قۇدايبەرگەن دە ءان شىرقايتىن بولادى.

وزبەكستانداعى قازاقستان جىلىنىڭ سالتاناتتى اشىلۋ راسىمىنە كەلگەن ديماش قۇدايبەرگەندى وزبەكستاندىق جانكۇيەرلەر تاشكەنتتەگى اۋەجايدان ەرەكشە ىلتيپاتپەن كۇتىپ الدى.

قۇشاق-قۇشاق گۇلدەر، شار مەن نان ۇستاعان ءانشىنىڭ وزبەكستاندىق فاناتتارى ەرەكشە تولقىنىستارى مەن كزەدەسۋدەن العان اسەرلەرىن الەۋمەتتىك جەلىگە جاريالادى. «مىنەكەي، ءبىزدىڭ ەڭ بيىك ارمانىمىز ورىندالدى. ءبىز ديماشپەن كەزدەستىك. ونىمەن يىق تىرەستىرىپ سۋرەتكە ءتۇسىپ تۇرعان ساتتەگى سەزىمدى سوزبەن ايتىپ جەتكىزۋ مۇمكىن ەمەس. جولدان شارشاپ كەلسە دە ارقايسىمىزعا قولتاڭبا بەرىپ، ءوزىنىڭ العىسىن ايتتى. ءبىز سىزگە العىس ايتامىز، ديماش» دەلىنگەن وزبەكستاندىق فانكلۋبتىڭ Instagram پاراقشاسىندا.

بۇگىن قازاقستاننىڭ بەلگىلى انشىلەرى وزبەكستان استاناسىندا ونەر كورسەتەدى. ديماش قۇدايبەرگەننىڭ اكە-شەشەسى قانات پەن سۆەتا ايتباەۆتار Instagram پاراقشاسىنان حابارلانعانداي،«Ozbekiston» تەلەارناسى بويىنشا قازاق اندەرى شىرقالاتىن بولادى.

وزبەكستان ءارتىسى جاقسىكەلدى سەيىلوۆتىڭ «جەزكيىك» ءانىن شىرقاپ، ونى «وزبەكستان» تەلەارناسى تاراتىپ باستادى. قازاقستان پرەزيدەنتى قاسىم-جومارت توقاەۆتىڭ وزبەكستانعا العاشقى مەملەكەتتىك ساپارى كەزىندە قالا بيلىگى تاشكەنت كوشەلەرىن قازاقستان سيمۆوليكالارىمەن ارلەگەن.

تاعى ءبىر ايتا كەتەرلىگى، وزبەكستان استاناسىنداعى مەملەكەتتىك مۋزەيدە «ۇلى دالا: تاريح جانە مادەنيەت» اتتى كورمە اشىلدى. وندا قازاقستان رەسپۋبليكاسىنىڭ سيمۆول سانالاتىن «التىن ادام» قويىلدى. ودان بولەك، ءوزا ۇلتتىق اقپاراتتىق اگەنتتىگى وزبەكستانداعى قازاقستان جىلىنىڭ جاريالانۋىنا بايلانىستى سايتتىڭ قازاق تىلىندەگى نۇسقاسىن شىعاردى.

سوڭعى جاڭالىقتار