11 ءساۋىر 2019, 14:37 848 0 نۇر وتان Túrkistan Gazeti

كوپبالالى وتباسى باسپانالى بولدى

Nur Otan پارتياسىنىڭ توراعاسى نۇرسۇلتان نازارباەۆتىڭ باستاماسىمەن «باقىتتى وتباسى» جوباسىنىڭ قولعا الىنعانى بەلگىلى. اتالعان جوبا كوپتەگەن جانۇياعا قۋانىش سىيلاپ ۇلگەردى. وسىنداي مەيىرىمدىلىككە تولى ءىس-شارالاردىڭ ءبىرى تاران اۋدانىندا جالعاستى.

تاران اۋدانىنداعى شارۋا قوجالىقتىڭ  باسشىسى كراسنوسەلسكي اۋىلىنان الەۋمەتتىك از قامتىلعان وتباسىعا جەكە ءۇي الىپ بەردى. باسپانالى بولۋ باقىتى ازاتسكايالاردىڭ وتباسىنا بۇيىردى. جەرگىلىكتى كاسىپكەردىڭ بۇل وتباسىعا 4 بولمەلى ءۇيدىڭ كىلتىن تابىس ەتۋى توسىن سىي بولدى. ادامگەرشىلىك تانىتىپ، شاڭىراقتارى شاتتىققا كەنەلگەن كوپبالالى وتباسى جومارت ادامعا العىس ءبىلدىردى. «بىزگە كومەك كورسەتكەندەرى ءۇشىن راحمەت ايتامىز. بۇعان دەيىن  باسقا اۋىلدا باسپانا جالداپ كەلدىك. ءارى بالالارعا مەكتەپكە قاتىناۋ قيىن

بولاتىن. ءبىزدىڭ ماسەلەمىزگە بەيجاي قارماعاندارى قۋانتادى. مۇنداي ۇيگە قول جەتكىزەمىز دەپ ەشقاشان ويلاعان جوقپىز»، – دەيدى كوپبالالى انا مارينا ازاتسكايا.

وسىدان بىرنەشە اپتا بۇرىن كوپبالالى انا تۇرعىن ءۇي ماسەلەسىمەن Nur Otan پارتياسىنىڭ قوعامدىق قابىلداۋىنا كەلگەن. الەۋمەتتىك كومەككە ءزارۋ  جاندارعا كاسىپكەرلەر بارىنشا قولداۋ كورسەتۋدە. بۇل جولى «باقىتتى وتباسى» جوباسى اياسىندا «ادىلەت» سەرىكتەستىگى جومارتتىق تانىتتى.

ايتا كەتۋ كەرەك، باسپاناعا مۇقتاج بولعان جانۇيا اۋداندىق Nur Otan پارتياسىنىڭ فيليالىنا جۇگىنگەن ەدى. بۇگىندە ناقتى جۇزەگە اسىپ جاتقان «باقىتتى وتباسى» جانە «حالىققا كومەك» پارتيالىق جوبالارى كوپشىلىككە قۋانىش سىيلاۋدا. جىلى ءارى جايلى باسپانادا كوپبالالى وتباسى باقىتتى ءومىر سۇرەتىنىنە ەش كۇمان جوق. «باقىتتى وتباسى» پارتيالىق جوباسى اياسىندا جاسالاتىن يگى ىستەر ودان ءارى جالعاسا بەرمەك.

سوڭعى جاڭالىقتار