24 ناۋرىز 2019, 13:25 892 0 قوعام نازىم تويلىباەۆا

قۇجاتتاردى اۋىستىرۋ تالاپ ەتىلمەيدى

ەلوردا اتاۋىنىڭ نۇر-سۇلتان بولىپ وزگەرۋىنە بايلانىستى قۇجاتتاردى اۋىستىرۋ تالاپ ەتىلمەيدى. بۇل تۋرالى  قر ءام ءباسپاسوز قىزمەتى حابارلادى.

قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسىنىڭ استاناسى – استانا قالاسىن قازاقستان رەسپۋبليكاسىنىڭ استاناسى – نۇر-سۇلتان قالاسى دەپ قايتا اتاۋ تۋرالى» 2019 جىلعى 23 ناۋرىزداعى جارلىعىنىڭ قابىلدانۋىنا بايلانىستى ادىلەت مينيسترلىگى كەلەسىنى تۇسىندىرەدى.

استانا اتاۋىنىڭ وزگەرۋى ازاماتتارعا جىلجىمايتىن مۇلىككە قۇقىق بەلگىلەيتىن كەلەسى قۇجاتتاردى – ساتىپ الۋ-ساتۋ، سىيعا تارتۋ، ايىرباستاۋ شارتى، پايدالانۋعا قابىلداۋ اكتىلەرى جانە باسقا دا قۇجاتتاردى، سونداي - اق، ازاماتتىق حال اكتىلەرىن تىركەۋ تۋرالى قۇجاتتاردى - تۋ، قايتىس بولۋ، نەكە قيۋ/بۇزۋ تۋرالى كۋالىك جانە ت. ب. اۋىستىرۋ مىندەتىن جۇكتەمەيدى.

وسىلايشا، قۇجاتتاردا استانانىڭ بۇرىنعى اتاۋىنىڭ كورسەتىلۋى ولاردىڭ جارامسىزدىعىنا اكەپ سوقپايدى.

ءوز كەزەگىندە، ادىلەت مينيسترلىگىنىڭ اقپاراتتىق جۇيەلەرىندە ەلدى مەكەننىڭ اتاۋى استانا قالاسىنان نۇر-Cۇلتان قالاسىنا اۆتوماتتى تۇردە وزگەرتىلەدى.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فيليالدارى، سونداي-اق، مەملەكەتتىك ورگاندار مەن ۇيىمدار مەملەكەتتىك قىزمەت كورسەتۋ كەزىندە قۇجاتتاردى بۇرىنعى تارتىپپەن  قابىلدايتىن بولادى.

قۇقىقتىق ماسەلەلەر بويىنشا كەڭەس الۋ، 24 ساعات بويى قولجەتىمدى.

قۇقىقتىق اقپاراتتىق قىزمەت كورسەتۋ: قازاقستان بويىنشا 119 نومىرىنە، استانا جانە الماتى قالالارىنان 58-00-58 نومىرىنە قوڭىراۋ شالۋلارىڭىزعا بولادى

WhatsApp: +77086935631.

سوڭعى جاڭالىقتار