21 ناۋرىز 2019, 11:02 1026 0 نۇر وتان اسەل انۋاربەك

ەڭ ۇلكەن جەتىستىك – ويى وزىق جاستاردىڭ تاربيەلەنۋى

پرەزيدەنتتىڭ مالىمدەمەسى ءبارىمىز ءۇشىن كۇتپەگەن وقيعا بولدى. ءبىز، قازاقستاندىقتار، قازىرگى ۋاقىتتا شىنىندا دا تاريحي ساتتە ءومىر ءسۇرىپ جاتىرمىز. سەبەبى قازاقستاننىڭ مەملەكەتتىگىن بەكەمدەگەن ەلباسىمەن ءبىر   كوماندادا بولۋ – ءبىز ءۇشىن زور مارتەبە. تاۋەلسىز قازاقستاننىڭ دامۋى،   وركەندەۋى باقىتىمىز دەپ سانايمىن. كەڭەس وداعى تۇسىندا وزبەكستان،  گۇرجىستان، ۋكراينا ەلدەرى الدىڭعى قاتارلى ەلدەر سانالدى دا، قازاقستانعا تەك شيكىزات قورى رەتىندە قارادى. الايدا تاۋەلسىزدىك العاننان كەيىن تمد  ەلدەرىنە عانا ەمەس، بۇكىل الەمگە مەملەكەت بولا الاتىنىمىزدى دالەلدەدىك.

پرەزيدەنتتىڭ ارقاسىندا قازاق حالقى بيىك بەلەستى باعىندىردى. قاي  سالانى الىپ قاراساڭىز دا، ەشكىمنەن كەم ەڭبەك ەتىپ جاتقان جوقپىز. يندۋستريا، ءىت سالاسى، سپورت پەن كينونى مەڭگەرۋى – قازاق حالقىنىڭ مەملەكەت بولىپ قالىپتاسقانىنىڭ ءبىر كورىنىسى. تاۋەلسىزدىك كەزەڭىندە تاربيەلەنگەن، ءوز ويىن اشىق ايتا الاتىن بۋىن پايدا بولدى. قازىرگى جاستار باسقاشا ويلايمىز. ءار كەزدە ءوز ۇلتىمىزدى الدىڭعى ورىنعا قويامىز. پرەزيدەنت ايتقانداي، مەملەكەتتىڭ ەڭ ۇلكەن جەتىستىكتەرىنىڭ ءبىرى، ءسوزسىز – تاۋەلسىز قازاقستاننىڭ ويى وزىق جاستارىنىڭ تاربيەلەنۋى.

دانيار سۇندەتباەۆ،

«جاس وتان» جاستار قاناتىنىڭ توراعاسى

سوڭعى جاڭالىقتار