21 اقپان 2019, 17:21 1277 0 بيزنەس ءنازيا جويامەرگەنقىزى

كاسىپكەرگە تاعى ءبىر مۇمكىندىك

اتىراۋدا «شەۆرون» كومپانياسى، بريتاندىق كەڭەس (British Council) جانە اتىراۋ قالاسى اكىمدىگىنىڭ ۇيىمداستىرۋىمەن «I-SEED: يننوۆاتسيالار – الەۋمەتتىك كاسىپكەرلىك جانە ءبىلىم» سەرىكتەستىك جوباسىنىڭ قولداۋىمەن الەۋمەتتىك كاسىپكەرلىك مەكتەبى (اكم) بولاشاق الەۋمەتتىك كاسىپكەرلەرگە ارنالعان ەكى كۇندىك سەمينار وتكىزىلدى. ءبىلىم بەرۋ جوباسىنىڭ نەگىزگى ماقساتى – بولاشاق كاسىپكەرلەردى الەۋمەتتىك بيزنەس نەگىزدەرىنە ۇيرەتۋ، كاسىپكەرلىك داعدىلارىن دامىتۋ جانە يننوۆاتسيالىق يدەيالاردى قولداۋ ارقىلى قوعامنىڭ وزەكتى الەۋمەتتىك ماسەلەلەرىن شەشۋ.

«شەۆرون» كومپانياسىنىڭ وكىلى جانار قوشپانوۆانىڭ ايتۋىنشا، اتالعان جوبا ەلىمىزدەگى قاراپايىم ادامداردىڭ تۇرمىس-تىرشىلىگىن جاقسارتۋعا سەپ بولماق: «شاعىن جانە ورتا بيزنەستى قولداۋ «شەۆرون» كومپانياسىنىڭ الەۋمەتتىك باعدارلامالارىنىڭ ىشىندەگى  نەگىزگى باعىتى بولىپ سانالادى. ءبىز ءاردايىم جاستاردى قولدايمىز جانە ازاماتتاردىڭ قارجىلىق الەۋەتىن دامىتۋعا تىرىسامىز. بۇل جوبا كەلەشەكتە قازاقستاندىقتاردىڭ ءومىرىن جاقسارتاتىنىنا جانە ەلىمىزدىڭ ەكونوميكالىق دامۋىنا ىقپال ەتەتىنىنە كامىل سەنەمىز. ال قاتىسۋشىلار جاڭا داعدىلارعا يە بولىپ، وزدەرىنىڭ الەۋمەتتىك كاسىپورىندارىن اشا الاتىنىنا ۇمىتتەنەمىز».

جوباعا بارلىق الەۋمەتتىك توپتار مەن ءارتۇرلى جاستاعى ازاماتتار تارتىلىپ، جالپى سانى 40-قا جۋىق قاتىسۋشى ىرىكتەلىپ الىنعان. ۇمىتكەرلەر ونلاين-ساۋالناما تولتىرىپ، ىرىكتەۋ بارىسىندا قاتىسۋشىلاردىڭ اتىراۋ ءوڭىرىنىڭ وزەكتى ماسەلەلەرىن شەشۋ ءۇشىن الەۋمەتتىك جوبا قۇرۋ مۇددەسى نەگىزگە الىنعان.

سەمينار بارىسىندا بولاشاق الەۋمەتتىك كاسىپكەرلەر قازاقستانداعى الەۋمەتتىك كاسىپكەرلىكتى قولدايتىن تاجىريبەلى الەۋمەتتىك كاسىپكەرلەرمەن، ۇيىمدارمەن تانىسىپ، پىكىرتالاستارعا جانە نەتۆوركينگكە قاتىسقان.

شارانى قورىتىندىلاۋ بارىسىندا الەۋمەتتىك كاسىپكەرلىك مەكتەبىنىڭ ترەنەرى ەمين اسكەروۆ: «الەۋمەتتىك كاسىپكەرلىك مەكتەبىنە قاتىسۋشىلار وزدەرىنىڭ الەۋمەتتىك جوبالارىن باستاۋ ءۇشىن قاجەتتى ءبىلىم الدى. ەكى كۇندىك سەميناردا ولار كاسىپكەرلىكتىڭ تەوريالىق جانە پراكتيكالىق نەگىزدەرىن، بيزنەس-جوسپارلاۋ مەن وندىرىستىك شەبەرحانالاردى اشۋ بويىنشا دايىندىقتان ءوتتى. بۇل جوبا ازاماتتارعا يدەيالارىن بىرىكتىرۋگە جانە دامىتۋعا مۇمكىندىك بەردى»، − دەدى.

ەكى كۇندىك سەمينار قاتىسۋشىلارعا الەۋمەتتىك كاسىپكەرلىك سالاسىنداعى بىلىمدەرىن تەرەڭدەتىپ، جەكە الەۋمەتتىك كاسىپورىندارىن قۇرۋ جانە دامىتۋعا كەڭ جول اشتى.

الەۋمەتتىك كاسىپكەرلىك مەكتەبى 2018 جىلدىڭ 2 اقپانىندا استانا قالاسىندا اشىلعان. وسى مەكتەپتىڭ قولداۋىمەن، ەلىمىزدە 12 الەۋمەتتىك كاسىپورىن قۇرىلعان بولاتىن. 2018 جىلدىڭ جازعى ماۋسىمىندا الەۋمەتتىك كاسىپكەرلىك مەكتەبىنىڭ شەڭبەرىندە قازاقستاننىڭ 13 قالاسىنا ءىسساپار ۇيىمداستىرىلىپ، الەۋمەتتىك كاسىپكەرلىك يدەياسى كەڭىنەن تاراتىلدى.

سوڭعى جاڭالىقتار