7 جەلتوقسان 2018, 18:01 1746 0 قوعام دينارا مىڭجاسارقىزى

ءدىن سالاسى بويىنشا جۋرناليستەرگە ارنالعان ترەنينگ

2018 جىلى 7 جەلتوقساندا استانا قالاسىندا قر قوعامدىق دامۋ مينيسترلىگىنىڭ قوعامدىق كەلىسىم كوميتەتى ءدىن سالاسىنداعى ماسەلەلەردى جاريالاۋ بويىنشا جۋرناليستەرگە ارنالعان وقىتۋ ترەنينگ وتكىزدى.

ترەنينگ جۋرناليستەردى ارنايى داعدىلارعا وقىتۋ جانە ءدىن سالاسىنداعى اقپاراتتىق جۇمىستاردى ۇيىمداستىرۋ ماسەلەلەرى بويىنشا ءتيىمدى جۇمىس تاجىريبەسىمەن الماسۋ جانە ءدىن سالاسىنداعى تاقىرىپتارعا قاتىستى ماسەلەلەردى اقپاراتتىق تۇرعىدان ىسكە اسىرۋ باعىتتارىن ءتۇسىندىرۋ ماقساتىندا ۇيىمداستىرىلدى.

ءىس-شارانىڭ اشىلۋىندا ءسوز العان قوعامدىق كەلىسىم كوميتەتىنىڭ جەتەكشىسى جاناحانوۆ قايسار قادىرۇلى قوعامدىق پىكىر جانە دەسترۋكتيۆتى ءدىني يدەولوگياعا قارسى يممۋنيتەت قالىپتاستىرۋدا باق وكىلدەرىنىڭ ءرولى ەرەكشە ەكەندىگىن اتاپ ءوتتى.

سونىمەن قاتار، ول قازاقستاننىڭ كونفەسسياارالىق كەلىسىمدى ساقتاۋ جانە نىعايتۋ ساياساتىن قولداۋعا، سونداي-اق راديكالدى ءدىني اعىمداردىڭ يدەيالارىنا قارسى تۇرۋعا جانە حالىق ءۇشىن قاجەتتى يممۋنيتەت قالىپتاستىرۋعا، ءداستۇرلى رۋحاني قۇندىلىقتاردى جانە زايىرلىلىق قاعيدالارىن ىلگەرىلەتۋگە باق بەلسەنە قاتىسۋعا شاقىردى.

ترەنينگتە ءدىني ەكستريميزم مەن تەرروريزمگە قارسى اقپاراتتىق ءىس-قيمىلداعى باق-تىڭ ءرولى مەن مىندەتتەرى تۋرالى قر ۇقك اكادەميسىنىڭ تەرروريزمگە قارسى دايىندىق ورتالىعىنىڭ قىزمەتكەرى، ساراپشى-ساياساتكەر يرجانوۆ رۋسلان سامارحانۇلى جانە  باق- داعى الەمدىك جانە ءداستۇرلى دىندەر جايلى قىزىقتى فاكتىلەر جايلى بۇقارالىق جانە كورپوراتيۆتى كوممۋنيكاتسيالار جونىندەگى مامان رۇستەم راحيموۆ بايانداپ بەردى.

ترەنينگ بارىسىندا جۋرناليستەر پىكىر الماستى، ۇسىنىستاردى ورتاعا سالدى، ءدىن سالاسىنداعى قازىرگى ماسەلەلەردى جانە بۇقارالىق اقپارات قۇرالدارىندا جاريالاۋ ادىستەرىن تالقىلادى.

ءىس-شارا قاتىسقاندارعا سەرتيفيكاتتار تابىس ەتىلىپ، باق-دا ءدىني قىزمەت سالاسىنداعى مەملەكەتتىك ساياساتتى ۇزدىك اقپاراتتاندىرعان جۋرناليستەر ماراپاتالدى.

سوڭعى جاڭالىقتار