23 قاراشا 2018, 15:24 1555 0 قوعام دينارا مىڭجاسارقىزى

استانادا نازارباەۆ ورتالىعى قۇرىلادى

استانادا «دىنارالىق جانە وركەنيەت ارالىق ديالوگتى دامىتۋعا ارنالعان ن. نازارباەۆ ورتالىعى» قۇرىلادى. بۇل تۋرالى 19-20 قاراشا كۇندەرى بۇۇ وركەنيەتتەر اليانسىنىڭ عالامدىق 8-فورۋمىنا قاتىسقان قازاقستان رەسپۋبليكاسىنىڭ قوعامدىق دامۋ ۆيتسە ءمينيسترى بەرىك ارىن مالىمدەدى. اتالمىش شارا العاش رەت بۇۇ نيۋ-يوركتەگى شتاب-پاتەرىندە وتكىزىلىپ وتىر.

ەكى كۇندىك فورۋمنىڭ باستى تاقىرىبى «الەمدى بىرلەسە قولداۋ جانە داۋ جانجالداردى توقتاتۋعا» ارنالعان.

فورۋمنىڭ اشىلۋ سالتاناتىندا بۇۇ-نىڭ باس حاتشىسى انتونيۋ گۋتەرريش، بىرىككەن ۇلتتار ۇيىمى وركەنيەتتەر اليانسىنىڭ جوعارى وكىلى ناسير ءابدۋلازيز ءال-ناسەر، بۇۇ باس اسسامبلەياسى 73-ءشى سەسسياسىنىڭ توراعاسى ماريا ەسپينوس، تۇركيانىڭ سىرتقى ىستەر ءمينيسترى مەۆلۋت چاۆۋشوگلۋ جانە تاعى باسقا ەلدەردىڭ ايتۋلى تۇلعالارى قاتىستى.

ءوز سوزىندە بۇۇ-نىڭ باس حاتشىسى انتونيۋ گۋتەرريش بۇۇ وركەنيەتتەر اليانسىنىڭ بەيبىت، ءادىل، تۇراقتى قوعام قۇرۋداعى ءرولىنىڭ ەرەكشە ەكەنىن ايتا وتىرىپ، بۇۇ باس حاتشىسى «ءتۇرلى مادەنيەتتەر مەن ءدىن وكىلدەرىنىڭ كەلىسىمگە كەلىپ، ءوزارا ۇيلەسىمدە، ءبىر بىرىنەن كەمسىتۋشىلىكتى سەزىنبەي ءومىر ءسۇرۋى ءۇشىن جاعداي جاساۋىمىز كەرەك» دەپ اتاپ ءوتتى.

ەلىمىزدىڭ قوعامدىق دامۋ ۆيتسە ءمينيسترى بەرىك ارىن وركەنيەتتەر تۇسىنىسۋىندە، دىنارالىق تاتۋلىقتى ساقتاۋدا اليانستىڭ الار ورنى ەرەكشە ەكەنىن ايتا وتىرىپ ۇلتارالىق، مادەنيەتارالىق، دىنارالىق ديالوگتى دامىتۋ، الەمدىك قاۋىپسىزدىكتى ساقتاۋعا وراي ءتۇرلى باعدارلامالار مەن جوبالاردى ىسكە اسىرۋ، جاستار ماسەلەسى سەكىلدى ەلىمىزدىڭ باستامالارى بۇۇ وركەنيەتتەر اليانسىنىڭ جۇمىسىمەن ۇندەسىپ وتىرعانىنا توقتالدى. الداعى ۋاقىتتا دا بىرلەسكەن جۇمىستار ناتيجەسىندە ازاماتتىق قوعام قۇرۋ، جاستار، ايەلدەر ماسەلەسىندە، تەرروريزم مەن ەكسترەميزيممەن كۇرەس باعىتىندا جۇمىستار اتقارىلا بەرەتىنىن جەتكىزدى. سونداي-اق استانادا «دىنارالىق جانە وركەنيەتارالىق ديالوگتى دامىتۋعا ارنالعان ن. نازارباەۆ ورتالىعى» قۇرىلاتىنىن جانە 2019 جىلدىڭ قازاقستاندا جاستار جىلى بولىپ بەلگىلەنگەنىن  جەتكىزدى.

ەسكە سالا كەتسەك، 2005 جىلعى 16 قاراشادا قازاقستانستان بۇۇ  وركەنيەتتەر اليانسىنىڭ دوستار توبىنا قابىلدانعان بولاتىن. 2008 جىلدان باستاپ ەلىمىز ەكى جىلدا ءبىر رەت، الەمنىڭ ءارتۇرلى ەلدەرىندە وتەتىن بۇۇ وركەنيەتتەر اليانسىنىڭ الەمدىك فورۋمدارىنا بەلسەنە قاتىسىپ كەلەدى.

سوڭعى جاڭالىقتار