13 شىلدە 2018, 19:31 1528 0 دەنساۋلىق ارمان قۇدايبەرگەن

كەلەسى جىلى تەگىن ءدارى-دارمەك ماسەلەسى شەشىلەدى

قر دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، بۇگىندە رەسپۋبليكا بويىنشا تەگىن پرەپاراتتاردىڭ 400-دەن استام ءتۇرى بار. ون جىل بۇرىن ءدارى-دارمەكتەردىڭ اتاۋى 2,5 ەسەگە از بولعان.

مينيستر استانادا وتكەن ءباسپاسوز ءماسليxاتىندا: ء"بىز جىل سايىن تەگىن دارىلەردىڭ ساناتىنا جاڭا پرەپاراتتاردى قوسىپ وتىرامىز. سوڭعى بەس جىلدىڭ ىشىندە ونداي ءدارى الاتىن ادامداردىڭ سانى 2,5 ميليوننان 3,5 ميلليونعا دەيىن ءوستى. ارينە، وسى سالاعا بولىنەتىن قارجىنىڭ كولەمى دە ارتىپ وتىر. وكىنىشكە قاراي، مەملەكەت بەكىتكەن ءتىزىم بويىنشا بارلىق دارىلەر ساتىپ الىنبايدى. سەبەبى جەرگىلىكتى بيۋدجەتتەردە اقشا تاپشى. سوسىن تەگىن دارىلەردى ساتىپ الۋ مەرزىمى دە، باعاسى دا ءارتۇرلى بولدى", - دەدى.

ونىڭ سوزىنە قاراعاندا، وتكەن جىلى قابىلدانعان زاڭ اياسىندا تەگىن ءدارى-دارمەكتى ساتىپ الۋ شارالارى بىرىڭعاي جۇيە بويىنشا جۇرگىزىلە باستادى. اعىمداعى جىلدا بارلىق مەملەكەتتىك ساتىپ الۋلار اشىق ءوتتى. سونىڭ ناتيجەسىندە ءبىراز اقشا ۇنەمدەلدى.

"ول اقشانى ءبىر قوسىمشا ءدارى-دارمەك ساتىپ الۋعا جۇمسايمىز. سەبەبى ايماقتاردان تاعى تاپسىرىستار ءتۇسىپ جاتىر. بيىل 34 ملرد تەڭگە جەتپەي قالدى. ۇنەمدەلگەن اقشا سوعان جىبەرىلدى. سوندىقتان جىلدىڭ اياعىنا دەيىن بارلىق پرەپاراتتار تولىق كولەمدە ساتىپ الىنادى. ارينە، سوزىلمالى اۋرۋى بار ناۋقاستاردىڭ بارلىعىن بىرىڭعاي بازاعا قوسقان ماڭىزدى. رەتسەپتەر دە ەلەكتروندى تۇردە بەرىلگەنى ءجون. سوندا ءبىز ناقتى سۇرانىستى كورە الامىز. وسى ايدا ءبىز 2019 جىلعا ارنالعان پرەپاراتتاردى ساتىپ الۋدى باستايمىز. دەمەك، جىلدىڭ اياعىنا دەيىن تەگىن ءدارى-دارمەكتىڭ ءبارى ەمxانالار مەن دارىxانالارعا جەتكىزىلەتىن بولادى", - دەپ اتاپ كورسەتتى ە.ءبىرتانوۆ.

سوڭعى جاڭالىقتار