26 ماۋسىم 2018, 15:59 1251 0 جاھان نازىم تويلىباەۆا

يران پوليتسياسى ميتينگكە شىققاندارعا قارسى گاز قولداندى

تەگەراندا 25 ماۋسىمدا پوليتسيا پارلامەنت عيماراتىنا قاراي بەتتەگەن نارازى توپقا قارسى گاز قولدانعان، دەپ حابارلايدى centralasian.org.

جۇيەسىز نارازىلىق اكتسياسى دۇيسەنبى كۇنى تاڭەرتەڭ قالاداعى ۇلكەن بازاردا شىقتى. نارازى ازاماتتار يران ۆاليۋتاسى - ريالدىڭ قارا بازاردا 10 پايىزعا قۇلدىراۋىنا قارسى شىقتى.

"فاردا" راديوسى رەداكتسياسىنا كەلىپ تۇسكەن ۆيدەودا ۇلكەن بازارعا جينالعان جۇزدەگەن ادام ايىرباس پۋنكتەرىنىڭ جابىلۋىن تالاپ ەتكەن. ولار: "سيريانى ۇمىت، ءبىزدىڭ قامىمىزدى ويلا" دەپ ۇرانداتقان.

يران ورتالىق بانكىنىڭ باسشىسى ۆاليۋللا سەيف ريال باعامىنىڭ تومەندەۋىن "كەلەسى اپتادا ۆاليۋتا ايىرباسىنىڭ ەكىنشى نارىعى اشىلاتىندىعىمەن" تۇسىندىرگەن. سول سەبەپتى قارا بازارداعى ساۋداگەرلەر ۆاليۋتا ساۋداسىن ۋاقىتشا توقتاتا تۇرۋعا تالپىنعان. ءمينيستردىڭ ايتۋىنشا، پرەزيدەنت حاسان روۋحانيمەن كەزدەسۋدەن سوڭ جاڭا بازاردى دوللاردىڭ شىنايى باعامىن ەسكەرە وتىرىپ قۇرۋ تۋرالى شەشىم قابىلدانعان.

روۋحاني اكىمشىلىگىمەن بايلانىسى بار ستۋدەنتتىك جاڭالىقتار اگەنتتىگىنىڭ (ISNA) 25 ماۋسىمدا حابارلاۋىنشا، 1 دوللار 60-65 مىڭ ريال تۇراتىن بولادى.

يراننىڭ بىرنەشە قالاسىندا وتكەن جىلدىڭ سوڭىندا ازىق-تۇلىك باعاسىنىڭ كوتەرىلۋى مەن باسقا دا ەكونوميكالىق ماسەلەلەرگە نارازى حالىق ەرەۋىلگە شىققان. سول كەزدە ءبىر اپتاعا سوزىلعان نارازىلىق اكتسياسى بارىسىندا 22 ادام قازا بولىپ، 1700-دەن استام ادام قامالدى.

سوڭعى جاڭالىقتار