22 ماۋسىم 2018, 10:38 1611 0 ىشكى ساياسات نازىم تويلىباەۆا

اباەۆ: نازارباەۆ سايلاۋعا تۇسسە، قازاقستان ۇتادى

قازاقستان اقپارات جانە كوممۋنيكاتسيا ءمينيسترى داۋرەن اباەۆ ءىس باسىنداعى پرەزيدەنت نۇرسۇلتان نازارباەۆ 2020 جىلى سايلاۋعا تۇسسە، ودان قازاقستان "ۇتاتىنىن" مالىمدەدى.

اباەۆ بۇل جايىندا استانادا سەنات وتىرىسىنان سوڭ پارلامەنت سەناتىنىڭ توراعاسى قاسىم-جومارت توقاەۆتىڭ پرەزيدەنت نۇرسۇلتان نازارباەۆ "2020 جىلى سايلاۋعا قاتىسپاۋى مۇمكىن دەگەن پىكىرىنە وراي ايتتى.

"2020 جىلعا دەيىن ءالى ۇزاق ۋاقىت بار. قاسىم-جومارت كەمەلۇلى ايتقانداي، شەشىمدى مەملەكەت باسشىسىنىڭ ءوزى عانا قابىلدايدى. 2020 جىلى سول كەزگە قاراي قالىپتاسقان جاعدايعا قاراۋ كەرەك بولادى. مەنىڭشە، مەملەكەت باسشىسىنىڭ ساياساتتا، ەكونوميكا مەن حالىقارالىق ىستەردەگى مول تاجىريبەسىن، حالىقارالىق دەڭگەيدەگى بەدەلىن ەسكەرسەك، قازاقستان ونىڭ (نازارباەۆ - رەد) پرەزيدەنت سايلاۋىنا تۇسكەنىنەن ۇتادى" دەدى مينيستر.

قاسىم-جومارت توقاەۆ BBC تەلەارناسىنىڭ Hard Talk باعدارلاماسىنا سۇحبات بەرىپ، نازارباەۆتىڭ بيلىكتە ۇزاق وتىرۋىن "تۇراقتىلىق بەلگىسى" دەپ اتاعان. "2020 جىلعا دەيىن بيلىكتە بولادى. كەيىن سايلاۋعا تۇسەم دەسە، ءوزى شەشىم قابىلدايدى" دەگەن توقاەۆ نازارباەۆ تۋرالى.

سوڭعى جاڭالىقتار