1 ماۋسىم 2018, 23:33 1599 0 قاۋىپسىزدىك دينارا مىڭجاسارقىزى

تاشكەنتتە ارال ماسەلەسىنە قاتىستى حالىقارالىق كونفەرەنتسيا وتەدى

8 ماۋسىمدا تاشكەنتتە «ارال اپاتىنىڭ سالدارىن بىرلەسىپ جويۋ: جاڭا مۇمكىندىكتەر، يننوۆاتسيالىق شەشىمدەر، ينۆەستيتسيا» تاقىرىبىندا حالىقارالىق كونفەرەنتسيا وتەدى.

ەكولوگيالىق قوزعالىستىڭ ءباسپاسوز قىزمەتى جەرگىلىكتى باق-قا حابارلاعانداي، كونفەرەنتسيانىڭ ماقساتى — ارالدى قۇتقارۋ حالىقارالىق قورى اياسىندا ايماقتارمەن پروبلەمانى بىرلەسىپ شەشۋ.

فورۋمعا ورتالىق ازيا ەلدەرىنىڭ قوعامدىق ۇيىم وكىلدەرى، مينيسترلىك، پارلامەنت وكىلدەرى جانە الەمنىڭ 20 ەلىنەن ەكولوگيالىق ساراپشىلار قاتىسپاق.

كونفەرەنتسياعا كەلەتىن قوناقتاردىڭ ىشىندە بۇۇ باس حاتشىسىنىڭ ادام قاۋىپسىزدىگى جونىندەگى كەڭەسشىسى يۋكيو تاكاسۋ بار. ول بۇۇ باس حاتشىسىنىڭ قۇتتىقتاۋ ءسوزىن وقيدى.

7 ماۋسىمدا كونفەرەنتسياعا قاتىسۋشىلار ارال تۇبىندەگى نۇكىس، مويناق ايماقتارىنا بارىپ، كەۋىپ قالعان كەمەلەردى كوزدەرىمەن كورمەك. سونىمەن بىرگە جەرگىلىكتى جەردىڭ تۇرعىندارىمەن كەزدەسپەك.

سوڭعى جاڭالىقتار