11 مامىر 2018, 10:28 1690 0 ادەبيەت نازىم تويلىباەۆا

شىڭعىس ايتماتوۆقا «وزبەكستاننىڭ حالىق جازۋشىسى» اتاعىن بەرۋدى ۇسىندى

تاشكەنتتە شىڭعىس ايتماتوۆقا «وزبەكستاننىڭ حالىق جازۋشىسى» اتاعىن بەرۋدى ۇسىندى، دەپ حابارلايدى كابار.

مۇنداي ۇسىنىسقا تانىمال وزبەك ادەبيەتشىسى، «ماناس» جىرىن وزبەك تىلىنە اۋدارۋشى جانە زەرتتەۋشى، «وزبەكستان-قىرعىزستان» دوستىق قوعامىنىڭ اتقارۋشى ديرەكتورى  زۋحريتدين يسامۋتينوۆ باستاماشىلىق ەتتى. «ادامزاتتىڭ رۋحاني مادەنيەتىن، وزبەك كوركەم ادەبيەتىن دامىتۋعا، سونداي-اق الەم حالىقتارى اراسىنداعى دوستىقتى نىعايتۋعا قوسقان ۇلەسى ءۇشىن شىڭعىس ايتماتوۆقا  «وزبەكستاننىڭ حالىق جازۋشىسى» اتاعىن بەرۋ ءادىل بولار ەدى»، - دەدى ول.پرەزيدەنت شاۆكات ميرزيوەۆ ساۋىردە ۇلى جازۋشى جانە قوعام قايراتكەرى شىڭعىس ايتماتوۆتىڭ 90 جىلدىعىن وزبەكستاندا اتاپ ءوتۋ تۋرالى قاۋلى قابىلداعان بولاتىن.

سوڭعى جاڭالىقتار