19 ناۋرىز 2018, 15:27 1882 0 تەحنولوگيالار انار لەپەسوۆا

ەلىمىزدە كيبەرقاۋىپسىزدىك ماماندىقتارىنا گرانتتار كوبەيمەك

ەلىمىزدە كيبەرقاۋىپسىزدىك باعىتىنداعى مامانداردىڭ سانىن ارتتىرۋعا كوڭىل بولىنبەك. ماجىلىستە ءبىلىم سالاسىنداعى تسيفرلاندىرۋ تاقىرىبىنداعى ۇكىمەت ساعاتىندا قر ءبىلىم جانە عىلىم ءمينيسترى ەرلان ساعاديەۆ وسى باعىتتا اتقارىلىپ جاتقان جۇمىستارعا توقتالدى.

«ءبىز ستۋدەنتتەردى «كيبەرقاۋىپسىزدىك» باعىتى بويىنشا وقىتا باستادىق. بۇل - جاڭا باعىت. جىل سايىن گرانتتاردى كوبەيتەتىن بولامىز. جالپى بۇگىن ءبىزدىڭ الدىمىزدا كادر دايىنداۋ بويىنشا ەكى مىندەت تۇر. ونىڭ ءبىرىنشىسى - IT-ماماندىعى بويىنشا كادر دايىنداۋ بولسا، ەكىنشىسى، ءبىزدىڭ ويىمىزشا، باسقا ماماندىقتاردا وقيتىن ستۋدەنتتەردىڭ IT ساۋاتتىلىعىن كوتەرۋ»، - دەپ اتاپ ءوتتى مينيستر.

ساعاديەۆتىڭ ايتۋىنشا، بۇل باعىت بويىنشا وتكەن جىلدان باستاپ رەسپۋبليكانىڭ بۇكىل ۋنيۆەرسيتەتتەرىندە بارلىق ماماندىقتاردىڭ ستۋدەنتتەرى 3 كرەديت كولەمىندە «اقپاراتتىق-كوممۋنيكاتسيالىق تەحنولوگيالار» ءپانىن وقي باستادى. سونىمەن قاتار «بولاشاق» ارقىلى IT باعىتى بويىنشا ماماندار دايىندالادى. شامامەن، 1000 ستۋدەنت وقۋدى اياقتادى، بۇل «بولاشاق» باعدارلاماسى تۇلەكتەرىنىڭ 10 پايىزىن قۇرايدى.  ولاردىڭ بارلىعى ۇلىبريتانيانىڭ، امەريكانىڭ، مالايزيانىڭ، كانادانىڭ، سينگاپۋردىڭ جانە تاعى باسقا ەلدەردىڭ ۇزدىك ۋنيۆەرسيتەتتەرىندە وقىپ، سولاردىڭ كوبى مەملەكەتتىك ورگانداردا، IT-كومپانيالاردا، ۋنيۆەرسيتەتتەردە جۇمىس ىستەيدى.

 

سوڭعى جاڭالىقتار