17 قازان 2017, 16:21 1747 0 جاھان انار لەپەسوۆا

ميرزياەۆ شەشەنستان باسشىسىمەن كەزدەستى

وزبەكستان پرەزيدەنتى شاۆكات ميرزياەۆ 16 قازاندا تاشكەنتكە جۇمىس بابىمەن كەلگەن شەشەنستان باسشىسى رامزان قادىروۆتى قابىلدادى، دەپ حابارلادى وزبەكستان پرەزيدەنتىنىڭ ءباسپاسوز حاتشىسى.

كەزدەسۋدە ارىپتەستىكتى دامىتۋدىڭ بولاشاعى تالقىلاندى. ساۋدانى دامىتۋ، ورتاق باعدارلامالاردى بىرلەسىپ جۇزەگە اسىرۋ، ەكونوميكالىق جانە مادەني-گۋمانيتارلىق سالالارداعى جوبالاردى كەڭەيتۋ ماسەلەلەرىنە كوڭىل ءبولىندى.

كەزدەسۋدە وزبەك باسشىسىنىڭ رەسەيگە ساپارى كەزىندە جوعارى دەڭگەيدە قابىلدانعان قۇجاتتار ەكى ەل ايماقتارىنىڭ ارىپتەستىگىن دامىتۋعا تىڭ سەرپىن بەرگەنى ايتىلدى.

شەشەنستان باسشىسى شاۆكات ميرزياەۆقا وزبەكستانعا ساپارىن ۇيىمداستىرىپ، قۇرمەتتەپ كۇتكەنىنە العىسىن ءبىلدىردى. ول اكەسى احمات قاجى قادىروۆ ءبىلىم العان تاريحي يسلام وركەنيەتىنە ساپارلاپ كەلگەنىنە ريزاشىلىعىن ايتتى.

جەرگىلىكتى ءباسپاسوزدىڭ حابارلاۋىنشا، رامزان قادىروۆ 16 قازاندا وزبەكتىڭ بەلگىلى ءدىن مامانى مۇحامماد سادىق مۇحامماد يۋسۋفتىڭ زيراتىنا باردى. ول شەشەنستان رەسپۋبليكاسىنىڭ العاشقى پرەزيدەنتى احمات قادىروۆتىڭ ۇستازى بولعان.

دەرەككوز: centralasian.org

سوڭعى جاڭالىقتار