12 شىلدە 2017, 16:15 1727 0 الەۋمەت اقنيەت وسپانباي

ۇلتتىق مۋزەيدەن ناپالەوننىڭ سەمسەرىن كورۋگە بولادى

ەلوردا تۇرعىندارى مەن قوناقتارى «شىعىس جانە باتىس: مەملەكەتتىك ەرميتاج جينالىمىنان كونە قارۋ-جاراق» كورمەسىنەن يمپەراتورلاردىڭ سايىس قىلىشتارى مەن سەرىلىك ساۋىت-سايمانداردى، قانجارلاردى كورە الادى. بۇل تۋرالى قالالىق اكىمدىكتىڭ ءباسپاسوز قىزمەتى حابارلادى.

كورمەگە قارۋ-جاراق ونەرىنىڭ ۇزدىك تۋىندىلارى قويىلعان. ەكسپوزيتسيادا 70-تەن استام زات: تۇركيادان، يراننان، ءۇندىستاننان جاپونيادان، فرانتسيادان، يتاليادان جانە دە وزگە مەملەكەتتەردەن جاۋىنگەرلىك، اڭشىلىق، شەرۋلىك قارۋلار جەتكىزىلدى دەپ حابارلادى استانا قالاسى اكىمدىگىنىڭ مەديا ورتالىق تىلشىسىنە قر ۇلتتىق مۋزەيىنىڭ ەكسكۋرسيالىق قىزمەت كورسەتۋ ءبولىمىنىڭ ادىسكەرى قۇمار ءجۇنىسوۆ.

-كورمەنىڭ جىلنامالىق شەگى قارۋ-جاراق قولونەرىنىڭ 400-دەن استام جىل بويعى دامۋ تاريحي كەزەڭىن – XV عاسىردان XIX عاسىر سوڭىنا دەيىن قامتيدى، - دەدى ق.ءجۇنىسوۆ.

كورمە قارۋلاردىڭ دامۋ تاريحىنان جانە ولاردى جاساۋشى شەبەرلەردىڭ تالانتىنان سىر شەرتەدى.

-ەكسپوناتتار اراسىندا ەرەكشە قارۋ بار – ول ناپولەون بوناپارتتىڭ سەمسەرى بار. ونى ول يمپەراتور ءى الەكساندرعا تيلزيتتىك بەيبىتشىلىك كەلىسىمىنە قول قويۋ كەزىندە سىيعا تارتقان، - دەپ اتاپ ءوتتى ءجۇنىسوۆ.

قارۋ-جاراق ونەرىنىڭ ەكسپوزيتسياسى حالىقارالىق ەكسپو كورمەسىنىڭ وتۋىنە ورايلاستىرىلعان جانە 20 قىركۇيەككە دەيىن جالعاسادى.

سوڭعى جاڭالىقتار