26 ءساۋىر 2017, 15:27 1686 0 نۇر وتان دينارا مىڭجاسارقىزى

ەلباسى قازاقستان حالقى اسسامبلەياسى سەسسياسىن اشتى

ەلورداداعى بەيبىتشىلىك پەن كەلىسىم سارايىندا ەلباسى نۇرسۇلتان نازارباەۆتىڭ توراعالىعىمەن  قازاقستان حالقى اسسامبلەياسىنىڭ XXV سەسسياسى ءوز جۇمىسىن باستادى، دەپ حابارلايدى قازاقپارات.

«جاڭعىرۋدىڭ نەگىزى – تۇراقتىلىق، بىرلىك، كەلىسىم» اتى تاقىرىپپەن ءوتىپ جاتقان شاراعا 1500-دەن استام ادام قاتىسۋدا. ولاردىڭ قاتارىندا ەلىمىزدىڭ بارلىق وڭىرلەرىنەن كەلگەن اسسامبلەيانىڭ مۇشەلەرى مەن ارداگەرلەرى، رەسپۋبليكالىق جانە وڭىرلىك ەتنومادەني بىرلەستىكتەردىڭ وكىلدەرى، قر پارلامەنتىنىڭ دەپۋتاتتارى، ورتالىق جانە جەرگىلىكتى اتقارۋشى ورگانداردىڭ، ساياسي پارتيالاردىڭ، ءدىني بىرلەستىكتەردىڭ، ۇكىمەتتىك ەمەس ۇيىمداردىڭ باسشىلارى، جوعارى وقۋ ورىندارىنىڭ رەكتورلارى، شەت مەملەكەتتەردىڭ ديپلوماتيالىق ميسسيالارىنىڭ باسشىلارى، عىلىمي، شىعارماشىلىق زيالىلار جانە تىلشىلەر قاتىسۋدا. ايتا كەتەرلىگى، شارانىڭ رەسمي بولىگى اياقتالعاننان كەيىن سالتاناتتى كونتسەرت وتەدى دەپ كۇتىلۋدە.

سوڭعى جاڭالىقتار